السلام عليكم ورحمة الله وبركاته
صباح الخيرات حبيباتي
توحشتكم بزاااااف
نشكر كل وحدة سقسات عليا ودعاتلي بالشفاء وكل وحدة راسلتني عبر الخاص
انا راني في تحسن والحمد لله ربي يتمملي بالشفاء ويشفي جميع المرضى
كنت نشوف في الصفحات الاخيرة الله يبارك راكم عمرتو الكوزينة بالخير ولخمير
شفيت على البربوشة تاع حيوتة وام هدول وكوثر اممممممم شهيتوني بصحتكم
وشفيت على العيش تاع ام رحاب يعطيك الصحةعزيزتي راه يشهي وراه وقتو بصحتكم
السفنج تاع زقزوقتي راح ينطق يعطيك الصحة حبيبتي وبصحتكم
شفت بيبا رجعت الف مراحب اختي راني شفت قاطو الطبقات لي حطيتيه راه في خاطري غير نرتاح نديرو انتظري تطبيقي
الوافدات الجدد مراحب بيكم امينة فضيلة فاتي ام شمسو ام فدوى وووو
واكيد بلا ماننسى مولاة الكوزينة جازيا حنونتي يعطيك الصحة راكي قايمة بالكوزينة وبضيافك