قريت موضوعك كامل و راجعت جميع الردود؛ و الله العظيم إندهشت؛ هذو أعظاء منتدى الجلفة ولا منتدى الجلفة تعرض للقرصنة؛ صدعتونا بالمثالية الزائفة نتاعكم عن
التحدث قبل العقد الشرعي؛ وكي يخطبك ماتحكيوش في التليفون وعلاقات الفايسبوك و الخرطي نتاعكم؛ بصح كي عاد صاحب السؤال رجل راكم لكل تباركو و واحد
مانطق على لحلال و لحرام.
مرة عضوة تقدم لخطبتها تركي وعملت موضوع تطلب النصيحة؛ كلاوها مسكينة .
أخي صاحب الموضوع سامحني إذا خرجت عن الموضوع؛ نصيحتي لك إذا وجدت سعادتك مع وحدة من المريخ مش غير من السعودية فلا تتردد لحظة واحدة وربي
يهنيك.
ونصيحتي للأعظاء الميثاليين كونو صافيين مع رواحكم؛ مش كي يعود السائل رجل الكل تباركو وكي تعود مرأة تشحدو سكاكينكم.