اقتباس:
المشاركة الأصلية كتبت بواسطة zoubou
شكرا جزيلا
|
لا شكر على واجب
اقتباس:
المشاركة الأصلية كتبت بواسطة loui za
هل يمكنك ان تحدثني عن الطب في كلية قسنطينة عموما
الاساتذة المستوى الاقامة ان كان لك علم بها الاختبارات و هل هناك فرصة باش تماجوري بدون معريفة -_- و ان كان نعم كيف ذلك
اهم الكتب التي نحتاجها
كيف كان تنظيمك من حيث الاوراق و الكراريس
و فالمدينة الجديدة هل هناك مكتبة بالداخل حتى نشتري البوليكوبات :v
و النقطة الاقصائية ما هي
كيف يمكننا التاقلم بسرعة
و شكرااا
|
الأساتذة في العموم نقدر نقول من السنة الثالثة ملاح و السنة 1 و 2 شوي برك ملاح
الاقامة آسف ماجربتهاش بصح يقولو مليحة psk جديدة
الاختبارات 100% qcm و الكمبيوتر هو اللي يصحح، ماكان حتى معريفة، اللي يماجوري ديما يكون من المعروفين بالخبيش و ديما يكون يستاهلها
لازم برك الوقت الكبيييييييير للمراجعة و عد م الملل من القراية، و لازم التركيز مع التعاويد تع امتحانات المواسم الماضية
الكتب نظن في السنة الأولى و الثانية ماش لازم تشري، تقدري تسلفي بعض الكتب من المكتبة تع الكلية و الأهم البوليكوبات اللي يمدوهملك
البوليكوبات يمدوهملك مجانا ^^
النقطة الاقصائية 5/20 في معدل المادة
بالنسبة للتأقلم حاولي تتعرفي على طلاب آخرين من دفعتك و الدفعة اللي قبلك، راح يسهلوا عليك بزاف ان شاء الله
بالتوفيق
اقتباس:
المشاركة الأصلية كتبت بواسطة lamicce
Kifech kont tnadem wa9tk f dar ... Atina lemploi du temps dyalak ta3 dar ?
|
la 1ere et 2eme année kanet s3iba chwy psk kanet l'histo w anatomie yediw wa9t bezaf fel 7fada w maykheliwch wa9t les modules lokhrin, lazem tandim mli7, generalement kont n7awel kol weekend nrevisi wach 9rina f wast smana w kol maygarbou les controles nzid rythme w ne9ra liyamat kamel mach ghir lweekend w les controles yjiw wra les vacs mela nprofitiw fihom f revision (makanech repos f les vacs hhh)
3eme année malgre les modules bezaf mais 9raytha mli7a, semio nkheliwlha wa9t bezaf psk coefficient 6 w bdit fiha nasisti f 3eme, les profs mla7 kanet revision tebda m3ahom w wa9t maygarbou les controles lazem nidam mli7 kima f 1ere
f systeme modulaire kolach mnadem, kol module wa7dou, kont nasisti la majorité des cours, tebda revision m3a lprof w tkon revision f dar presque kol youm ghir 1ere semaine f kol module eli tkon repos
bon courage
اقتباس:
المشاركة الأصلية كتبت بواسطة fog loulou
مشكوووووووووووور ^^
|
لا شكر على واجب
اقتباس:
المشاركة الأصلية كتبت بواسطة mekki1967
لست من اختصاص الطب ولكني معلوماتي القليلة تقول بان هناك تطبيقات و برامج متعلقة بعلم التشريح anatomie يمكن تثبيتها علي الهواتف الدكية واجهزة الاعلام الالي يمكن ان تساعد طلبة الطب كدالك جامعة ليون 1 انشئت قناة تلفيزيونية chaine anatomie 3 D بامكان طلبة الطب تحميل مقاطع فيديو من الانترنت من خلال YOUTUBE
|
نعم موجودة بكثرة (y)
اقتباس:
المشاركة الأصلية كتبت بواسطة raouftheking
هل تدرس في عنابة . وادا كان نعم ارسلي على الخاص كيفاش نديرو ( النقل ... الخ ) لاني ضعت عنابة لا اعرفها كثيرا على عكس الولايات الاخرى  |
لا، أدرس في قسنطينة
اقتباس:
المشاركة الأصلية كتبت بواسطة wissamova
بارك الله فيك اخي
|
و فيك بارك الله ^^