السلام عليكم خياتي نتمنى تكونوا بأحسن الاحوال طليت عليكم اليوم وقلت نجيب معايا طبق خفيف و ظريف ينفع مع السخانا هذي هو في الحقيقة طبق اسباني قلت بلاك نفيدكم بيه نحتاجو الى بطاطا مقلية مربعات متوسطة حبة بصل مقطعة مربعات كمية من المعدنوس المقطع كمية من الجبن مقطع اختياري ملح فلفل اسود عدد من البيض حسب كمية البطاطا في مقلاة نحطو شوية زيت ونذبلو البصل مع شوية ملح وفلفل اسود وفي اناء عميق نحطو البطاطا المقلية مع المعدنوس و الجبن ثم نضيفو عليها البصل المذبل نخلطوهم مع بعض نضيف البيض لازم تكون كمية مليحة حتى يصبح الخليط سائل متشحوش في البيض خخخخ نمزجو المكونات مع بعض ثم نفرغوهم في مقلاة فيها شوية زيت وتكون مسخناتيها من قبل نسويه مليح و نحطو فوق النار لازم تكون نار هادية وكي اطيب نقلبوها من الجهة التانية عادي كيما نديرو فريت اوملات ونقدموها مع سلاطة بالصحا والهنا نتمنى تعجبكم و تجربوها