[Ahlam Sou]

المشاركة الأصلية كتبت بواسطة ميمي2012

السلام عليكم ورحمة الله وبركاته
الحمد الله النت مزال مرحتش
رني جبتلكم معلومات من وحدة مجربة .
أولا العملية درتها في مصحة ديار السعادة جايه في المراديه.
درتها 21 مليون عينيها في زوج،درولها في الأول رديو بمليون شفو بيه نسبة النجاح والعملية متوجعش الألم يكون من بعد خاصة الا كان عندك حساسية من قبل .
وفي العملية يدرولك عدسة ينحوهالك بعد الأسبوع طبعا الطبيب هو الي ينزعها .
النتيجة تبشرك وتقلك رائعة لأنها كانت متشوف والو من قبل ودرك رها عيشة حياتها بدون نظارة والحمد الله
فقط جفاف العين مؤلم بزاف هي كان عندها قبل العملية وزاد اتفاقم .
وانت اسألي طبيب عليه اذا كان عندك او يقدر يجي من بعد العملية
ان شاء الله نكون فهمتكم وافدتكم ، الحمد الله اني وفيت بوعدي ومبطيتش عليكم .
ربي يسرلكم .

و عليكم السلام و رحمة الله و بركاته بارك الله فيك اختي و جزاك خيرا على الافادة
ان شاء الله نجي لهد العيادة و يقبلو يديرولي لاني رحت لتاع سمايلي في باتنة رفض لاني مش ناقصة بزاف و النظارات نديرهم غير للقراية " ههه لكنه امر مزعج"
مشكورة مرة اخرى اختي