السلام عليكم ورحمة الله وبركاته اليوم كنت حابة ندير أرز للغدا بصح حبيت طريقة جديدة بديت نحوس في عمي قوقل ههههه لقيت هاد الوصفة في أحد المنتديات عجبتني جربتها جا بنين قلت نشارككم بيها مع تحريفاتي بالتأكيد والشكر موصول لصاحبة الوصفة جزاها الله خيرا نبداو الطريقة أولا :نأخذ طرف الجاج نتبلهم بسنات ثوم مرابيين ملعقة موطارد ملعقة كبيرة طماطم مصبرة ملعقة كبيرة عصير الليمون و ملعقة كبيرة زيت زيتون ملح فلفل اسود وتوابل الكاري الوصفة الأصلية دارت الثوم والملح وفلفل اسود بعدما تبنت الجاج نحطو في صينية ونضيف مقدار من الماء ونحط في الفرن بعدما يطيب ننزعو من الصينية وتحتفظ بالصوص لي بقات من جهة أخرى نغلي الأرز في الماء والملح ونصفيه ومن جهة اخرى أيضا نقطع بصلة إلى جوانح و2 سنات ثوم إلى دوائر نقلهم في شوية زيت بعدما تذبال نضيفو 2 حبات طماطم مقطعين ونخلوهم يطيبو مع إضافة الملح والفلفل الأسود ومن بعد نرحوهم ومن جهة ثانية نفور شوية جلبانة وجزر وفي الأخير نخلط كل من الأرز والخضر المفورة وصوص الطماطم والصوص لي طاب فيها الجاج ونحطهم في الصينية ونحط فوق الدجاج ونرجعهم للفرن حتى يتحمرو الدجاج صدقوني بنين