رمضان كريم حبيباتي أخواتي حراير احلى منتدى على الاطلاق اليوم جبتلكم تطبيقي لطاجين الاخت الغالية ام اماني هذا رابط الوصفة الاصلية https://www.djelfa.info/vb/showthread.php?t=1754245 أولا نحضر مرقة عادية نزيدلها شوي فطر معلب ثانيا نطحن صدر دجاج مع فصين ثوم ونضيفلها شوية حشيش مقطع رقيق رقيق ونضيفلها ايضا رشة ملح ونحطها بين زوج ساشيات شفافين ( تاع الميزان ) ونحلها بالحلال نكون قالية من قبل حبيبات مرقاز نحطهم كيما هكا نروليها ونقليهم حتى يحماروا ونشفهم من الزيت ونرجعهم للمرقة ونخليها تغلي 5د قيس ما هادوك الأصابع يتشربوا المرقة ونطفي عليها ونقطعهم مايلين ونقدهم بالصحة ولهنا صح فطوركم وتهلاولي في رواحكم بزاف بزاف