السلام عليكم و رحمة الله تعالى و بركاته اعضاء المنتدي .المشرفات . المشتركات و الماتبعين صح رمضانكم ربي يتقبل منا ومنكم صالح الاعمال و ربي يتقبل منا الصيام و والقيام و الطاعات اما بعد بعد تردد كبير في اي الاطباق اشارك بها من الاطباق لي قمت فيها خلال هاذ الاسبوع قررت و اخترتلكم هاذ الطبق ان شاء الله يعجبوكم بعض خطوات العمل: قمت بعمل صوص بيضاء بالدجاج قليتو في الزيت لصقتلو بصل ثوم م ص زبدة معدنوس حمص فلفل لكحل و قرفة و فلفل ابيض و ثومة پودر نقلوهم مللييببيح و هنا قمت بتقطيع البطاطا زرودية و كورجيت على شكل وردات ثم فورتهم و بعدها رشيت عليهم بعد التوابل وزيت وحطيتهم في پاپي المنيوم ودخلتو للفور و لكن مصبحة ماتديروش لكورجيت انا طلقت الما وذبلت و فسد شكلها يعني كل هاذيك لكورجيت رميتها پاسكو فسدت و دوزنت لحم مرحي بالمثل و ثوم و معدنوس و فلفل اسود و فلفل ابيض و ثومة پودر و نعجنهم و نحشيهم في عجينة كالتالي و هاذي رابط العجينة https://www.djelfa.info/vb/showthread.php?t=1869796 هاذا كان بالنسبة الطبق الرئيسي اما التحليةهاهي المقادير فواكه حسب الرغبة كريم پاتيسيار كريم شانتي علب دانيت شوكو و نديرو طبقة فواكه طبقة شوكو طبقة كريم پاتيسيار و طبقة فواكه....و هاذا و تزين بالشانتي و فوكه و كنت رايحا نزيد شكولا مسكرفجة و لكن نسيتيها في الاخيرة و توضع في الثلاجة بالتوفيق للجميع