صحى رمضانكم و صحى فطوركم حبايبي عضوات المنتدى نشكر اولا المشرفات لي شجعونا و دارولنا مسابقة كيما هاذي و انا افتخر كوني احدى المتسابقات حظ موفق للجميع نبدا على بركة الله ارز مع صلصة الكاري و السكالوب محشي مرقاز امممم الطريقة طيبت الروز عادي و فورتو نص درتلو الزعرفان و نص خليتو ابيض و درت طبقات في كاس و بيناتهم طماطم و زينتو بالنعناع صلصة الكاري ديري 2 ملاعق زبدة في مقلة و ضيفي عليهم حبة بصل مسكرفجة و تخليهم يطيبو و و ضفيلهم ملعقة كبيرة كاري و تخلطي و ضيفي ملعقتين فرينة و تخلطي و تزيدي نص كاس مرق الدجاج و نص كاس حليب و شوية ملح تخليها دقيقتين و تنحيها و تمكسيها بالبرا و قد اصبحت جاهزة سكالوب محشو مرقاز نجيب سكالوب نشرحو شوي و نديرو في تتبيلة لهي فلفل اسود كركم ملح راس الحانوت خل موتارد كسبر مرحي و ثوم بودرة و نخليه حوالي ساعتين ومبعد نجي للمرقاز نفرغو و نديرلو شوي ملح و نحشي بيه السكالوب و و نديرو في بابي فيلم و مبعد الالمنيوم و نطيبو في الفرن و كي طيب نحمرو شوي التحلية عملتلكم حاجة بسيطة سلطة الفواكه بكريمة الجبن و جيلي امممم كريمة الجبن للغالية ام اماني نطلع كاس حليب مع كاس كريمة الشانتي و نضرب 4 حبات كيري مع السكر السكر حسب الرغبة و نخلط الكيري مع الكرام شانتي باسباتول من فوق لتحت الجيلي استعملت قرونادين حوالي كاس مع نص كاس ماء و ملعقة نشاء فوق النار حتى تثقال و نديرها في الكؤوس و فوقها الفاكهة و الكريمو و الفاكهه حتى ننتهي