السلام عليكم حبيباتي راني جربت قلب اللوز تاع إحدى الاخوات ولكن مانجحليش بالرغم إني درت الوصفة كيما مكتوبة حتى قاتلي أختي على خطوة هامة باش ينجح قلب اللوز مهما كانت الوصفة و المقادير كي عاودت نفس الوصفة و درت هاد الخطوة خرج لي روعة و الله غير كيما اللي ينباع برا طولت عليكم المهم انا درت الوصفة تاع 6عبار سميد 3عبار سكر عبار زيت عبار حليب عبار ماء الزهر و بالنسبة للسيرو استعملت نفس العبار 6عبار ماء و 6 عبار سكر وشوية ماء الزهر خلطت السكر مع السميد انا استعملت هادي النوعية و استعملت العبار كأس تاي و بالنسبة لماء الزهر خلطت مع l extrait تاعو يجي ريحتو هايلة الخليط فرغيه في السنيوة بلا ما تدهنيها وملازمش تدركي عليه وصلنا لأهم خطوة كي يطيب كيما في الصورة خليه يطيب مليح غير تخرجيه ساقيه كلما يشرب زيدلوالسيور الخطوة غميه او غطيه بسنيوة و أحد أخرى ورجعيه الفرن بعدما تكوني طفيتيه طبعا و خليه حتى غدوا منداك تشوفي النتيجة انا درت نفس الوصفة بلا هادي الخطوة و خرج لي يابس بصح كي درت هاد الخطوة خرج هائل جربوه ورد ولي الخبر إنشاء الله رمضان مانشروشاع تاع برا و هادي مني ليكم