سلام حبيباتي اليوم جبتلكم صابلي من كل روض زهرة.شفت مودالات بزاف كيما قاطو الحلزون نتاع ام اماني وقاطو البالون وعييت نخير وش راح ندير ايا جمعت بين الزوج وخرجلي هذا الصابلي.حتي كيكنت نقطع فيه عجبني شحال من مودال ايا قلت ندير من كل روض زهرة هاها.حبيباتي نتمني تجربو هاذ الصابلي لانو مقرمش وبنين وساهل المقادير وطريقة التحضير: 250غ مرغرين+3 مغارف زيت+1/2كاس سكر ناعم تخلطيهم مليح+قرصة ملح+فاني+كاس كاوكاو مرحي ناعم(انا غربلت الكاوكاو الفوقاني ستعملتو للديكور والتحتاني خدمت بيه الصابلي)+2صفار وبيضة كاملة +_1/2 كاس نشا+مغرفة صغيرة خميرة +فرينة.لازم نطري شوي لعجينة نحطها في الثلاجة حوالي 10د.نحل لعجينة ونشكلها حسب الرغبة.كيطيب نلصقها بالمعجون ومانكثرش انا درت بالبانسو وهذا هو سر الصابلي باه يجي يقرمش. خدمت اشكال بالشيكولا البيضا والسودا ولونتهم بالملمعات طليت القاطو بالمعجون وزينت بالشىكولا والكاوكاو والحبيبات والكابريس لي ذوبتو في شوي حليب وزبدة. تعيشو لبنات وينو الشكل ليجا باهي باه مانزيدش نعاود من كل روض زهرة هذا ها ها شهية طيبة.