اليوم جبتلكم وصفة جديدة للمطلوع يطيب فوق الكسكاس بزاف هايل و غير متعب
المقادير :
250 غ فرينة نوعية جيدة انا درت سيم
250 ع سميد رطب
ملعقة صغيرة ملح
ملعقة صغيرة سكر
ملعقة كبيرة خميرة الخبز
ماء دافئ للعجن
طريقة التحضير نلم كامل المكونات بالماء الدافئ حتى نتحصل على عجينة طرية و نتركها تخمر مدة ربع ساعة و بعد ذلك نعجنها مليح حتى تصبح العجينة رطبة نبدا نضيف فالماء الدافئ حتى نتحصل على عجينة تلصق شوية في اليد نعملها قرصات صغار نرمدهم فالسميد المتوسط ونحلهم كيما المطلوع العادي و نخليهم يخمرو
من جهة اخرى نضع الكسكاس مقلوب على كانون الكويزينيار و نشعل نار قليلة حتى يسخن كي نشوفو القرصات خمرو نبداو نطيبو و الصور توضح كل شيء و بالصحة و الراحة و السلام عليكم و رحمة الله و بركاته ان شاء الله يعجبكم