منتديات الجلفة لكل الجزائريين و العرب - عرض مشاركة واحدة - حلويات فاتحة المشاكسة دائما
عرض مشاركة واحدة
قديم 2016-04-12, 17:56   رقم المشاركة : 152
معلومات العضو
ملاك ملاكي
عضو متألق
 
الصورة الرمزية ملاك ملاكي
 

 

 
إحصائية العضو










Wah

اقتباس:
المشاركة الأصلية كتبت بواسطة souzy manita مشاهدة المشاركة
اهااااه ملاااك اني حكمتك وييين الهربة ويييين ههههههه
ماشاء الله كلش بالطبع يسلم دوك ليدين ويحفظلك يماااك قوليلها المقروط شهاااني مزية مارانيش نتوحم هههههه
ماشاء الله ملاك والله مالقيت مانقول رووووعة ياسعدهم لي راح تكوني عروستهم ربي يحفظك
حبيبتي حبيت نسقسيك انا حابة ان شاء الله ندير قاطو للناس لي يجو في الفاتحة نديرو في دي بوات ولي يجي نمدولو بوات يديها معاه
والقاطو لي نحطوهولهم يستقهواو بيه يكون مش نفسو لي درناه فلي بوات فهمتي قصدي؟؟؟
لي يدوه معاهم لازم يكون فور ومميز ههههههه والله راني نخمم بزاف
شحال زعما ندير من حبة وشحال من بوات انتي ادا مديتيلهم داو شحال درتي؟؟زعما 70 بوات تكفي؟؟ واسكو لي داوه معاهم هو نفسو لي حاطيتيهولهم كي جاو؟؟؟
زعما ندير كاش حاجة لعجوزتي ولا لالا؟؟؟
وكي يجو واش نرجعولهم ؟؟؟ شوي من البياس مونتي؟؟؟ زيدي؟؟؟
على فكرة عجبتني الفكرة نتاعك نتاع التمر المحشي لي ستقبلتيهم بيه بزاف عجبني بإدن الله نديرو
خخخخ راح نهبلك معايا استحمليني شوي
ااااا خاااااه انا راح نزوج ونجيب بيبي وانت هذا وين شفتي موضوعي اواااااه ماعليناش ماحككش قرعاجتي مي ماعليش المه وصلتي خيييير من ماتوصليش خلاص هاهاها على الرحب
الله يسلمك حنونتي وستوتي الله يحفظك العقوبة لعندك وديري ماخييييير ان شاء الله وشكرا على مدحك لمقروض ماما مع انه بالفعل لا يعلى عليه بالنسبة لي
هاهاهاها ايا منعنا اخاااااه لوكنتي تتوحمي وتدعي عليا هاهاهاها منعنا
الحمد للله ربي طيحني في ناس الله يباااارك ماشاء الله ربي يبقي الستر علينا يارب عارفين قيمتي وماديرين واجبهم معايا الحمد للله ربي يخلينا اسرة واحدة والعقوبة لستوتي
حبيبتي انا صرااااحة عن نفسي نكرة فكرة لي بواط انا في رايي الخاص تحفة وزينة السنيوة كي تحطي الحلوة نتاعك في الصحان والله تجي سنيةتك هااااايلة ومميزة على كل هذا رايي وزيد والله تكلفة وخسارة فرااااات وانت وامكانياتك وقناعتك اختي
اما اذا راكي مصممة على لي بوا انا في رايي ديري قريوش وباقلاوة ومقروض في الصحان وحطيهم ي السنيوة مع القهوة ولي بواط ديري فيهم القاطوات نتاعك هكذا خييييير
اما لعجوزتك بخصوص القاطوات موش شرط ديري دي قاطو سبيسيال لالا يزي بلا نعاااام هاهاها علااااه راكي حابة تخسري نفسك اااا مخلوقة ديري نفس الحلويات في سنيوة الله الله ولا بوات شابة ورديهالهم ممع لابياس مونطي النص نتاعها
انا عن نفسي كي جاو مروحين رديتلهم نص البياس مونطي ورديت لعماته وخالاته ومرت خوه وجداته دي كادو عبارة عن قطعة قماش كل واحدة حسب عمرها مع طرف صابون دوف وبالموليف والبنات درتلهم دي شارب وديودورون وعجوزتي كذلك درتلها قماش مي فووووور خاص للاعراس وبارفان انفيدونس
والغدوا وجتلهم سنيوة نحاس فيها لي قاطو لي درتهم والرفيس لي هو المشلوش مع المكسرات وكذلك بلاطو من لي شارلوت لانهم يحبوهم وبعثت لملاكي لي فروي ودي كانات يعني واش درته كامل بعثتلهم منه جاء ملاكي وسلفتي داوهم
ونهار الفاتحة كي جاو خارجين ودعتهم بلي دراجي راني
سبق وحطيتهم موضوع في قسم العرايس اذا تقدري ديريها خاصة كي راح تلبسي روب برانساز هاهاها
اما فكرة التمر ديري برايي ديريه والله هاااايلة انا عجبتهم كامل الفكرة والله كاين لي دومونداو كي جاو خارجيييين مي ديريه بطريقتي لانه بزاف يديروه بلابات داموند وانا صراحة جربتها وماعجبتنيش وكل واحد وذوقه
اختي والله على الرحب رانا لبعضانا والعكس والله ماذبيا نتعاونوا ديما نقولها واحدة فينا ناضت متعلمة وزيد اي واحدة تحب تكون مميز في مناسبتها اللمميزة
ربي يسهل لحنونتي وربي يكمل لك على خيييييير وبزيان السعد









رد مع اقتباس