غدوى عابالي ما يكونش عندي الوقت علابيها زدت حطيتلكم وصفة الماغلان في الفرن بطريقة صحية و مفيدة و لذيـــــذة مممممم ابتعدت فيها كليا على لاكرام فراش و الزبدة.... 1- حبات البطاطا مقطعة دوائر و نفرشها في صينية + بصلة صغيرة مقطعة دوائر رقاق + حبة طماطم كبيرة مقطعة دوائر + نرش عليهم من فوق شويا ملح + فلفل أسود + معدنوس + شويا زعيترة . نرجع لحبة الماغلان نديرلها م ص متارد + ملح + فلفل أسود + ثوم + كمون+ عصير نصف حبة قارص + م ك زيت زيتون نخلط كلش مع بعض و نتبل بها حبة الماغلان و لي يبقى في الليان نحط فيه شويا ماء و نفرغو فوق البطاطا 2 - نغطي الصينية بورق ألمنيوم جيدا و إلى الفرن 3- وهاليك واجدة بعد ما طابت و تحمرت عند تناول وجبة البطاطا يمنع الخبز معها أو أي شيء من المعجنات أو الأرز، و الكمية المسموحة 100غ و من الأحسن تكون في الغذاء ترقبو المزيــــــــــــــــــــــــــــــــــــــــــد من الوصفات الصحية و الشهية في نفس الوقت