[ام ساجد]

السلام عليكم ورحمة الله وبركاته

كيف احوالكم اخواتي ان شاءالله تكونو بالف خير

هادي حلوة الطابع او الطورنو بطريقة حديدة ورائعة دوق وهشاشة تصلح مع قهوة كل يوم
نتمنى تجربوها لانها فعلا تستاهل

قاطو الطابع بالفلان
250غ مارغرين نخلطهم مع كاس مخلط نص سكر ناعم ونص
فلان فاني 2علب نخلطهم ونضيف عصير نصف ليمونة
ونضيف 4صفار بيض نخلطهم مع بعض ونضيف كاس نشاء
و1خميرة حلويات ونضيف الفرينة حتى نتحصل على
عجينة مثل عجينة الصابلي
نحلها ونخليها خشينة شوي ونقطع باي شكل ونحطها في
صينية الفرن وندهنها بالخليط لي هو صفار بيضة
وكاكاو وقطرات ليمون ونزين بخطوط بعود اسنان