السلام عليكم و رحمة الله و بركاته
اولا اخي لعااد عندك شروط ماشي قادر تتنازل عليها من الاحسن قولهم لها قبل ماتروح تشوووف اكيد عن طريق وسيط باه لكان رفضت مايكونش كاين احراج ليكم في زوج
ثانيا كي تقبل بشروطك هكدا رايحة تروح مطمئن يعني تشوووفها برك اكيد من اول نظرة رايحة تحس بقبول نفسي وراحة و اعجاب او العكس
ثالثا حاول تعاود تهدر معاها على شروطك و تكون بشوووش ركزلي على هادي و احرص ان يتسم كلامك بالاحتراام لانك سترضيها نفسيا و هي بالمقابل راح يكون عندها شعور ايجابي نحوك
من جهة اخرى رايح تسمع صوتها لانو من طريقة كلامها راح تعرف حسن شخصيتها و اكيد قبل البدا بالكلام نسق افكارك و تكون متتابعة
رابع حاجة ما تستفزها كيما وحدة صحبتي جاء يشوفها واحد قالها اوقفي و نحي الصباط و اهدري خصو غير يعطيها جوزة ويقولها كسريها نشوف ضروسك صحاح و لا نو قلقت منوقاتلو ابقى على خير المخلوقة حست روحهااا سلعة في سووق ........
المهم المهم باختصار تكون بشوش محترم و توزن كلامك كي تهدر
ربي يوفقك خويا ويقدمك اللي فيه الخير