[نوال عيسى]

انا هي رزيقة سباس محمر في الفرن مع الدجاج


تاخذي قطع الدجاج تاعك و تبليها بالثوم المدقوق مع عصير ليمون مع موتارد مع كمون و فلفل عكري و فلفل اكحل و ملح و حشيش قصبر او معدنوس مع زيت زيتون و مرغارين و رشة صغيرة من القرفة. تخلطي مليح الدجاج تاعك في الخليط ثم تحطيه في صينية اافرن مدهونة بالمرغارين ثم خذي البسباس مقطع الى اربعة من الافضل تنحي القشور الخارجية و تحطيه في نفس التتبيلة تاع الدجاج دخلي مليح التتبيلة ما بين الاوراق و تحطيه مع الدجاج و تغلفيهم بورق الومنيوم و يطيبو في الفرن لمدة حوالي 40 دقيقة على حسب كمية الدجاج و البسباس. المدة تكون اكثر اذا كانت الكمية اكثر. ثم تنحي الورق و تخليهم يتحمرو بلاك لحوالي 15 دقيقة. ايه بامكانك تحطي ايضا بطاطا في نفس الصينية و بنفس التتبيلة .