[IMG]https://www.e3lm.com/wp-*******/uploads/2014/11/%D8%A7%D9%84%D8%B3%D9%84%D8%A7%D9%85-%D8%B9%D9%84%D9%8A%D9%83%D9%85-%D9%88%D8%B1%D8%AD%D9%85%D8%A9-%D8%A7%D9%84%D9%84%D9%87-%D9%88%D8%A8%D8%B1%D9%83%D8%A7%D8%AA%D9%87-1.gif[/IMG]
أختي FRAISE النصيحة اللأولى ألي نقدر نقولهالك هي
ارجعي فورااا لدارك
يا أختي المشاكل الي راها في دارك ماتتحلش وانت بعيدة
و ثاني ما تتحلش عن طريق اللأهل لأنه المشكلة مهما كانت صغيرة مع تدخل الاهل راح تكبر و انا مارانيش نشك في حسن نية الاهل في الإصلاح
يا أختي ارجعي لدارك و اجلسي مع زوجك واتكلموا و اتناقشوا و اسمعي منه و يسمع منك و ان شاء "الله" تتوضح الأمور
وما تقوليش كرامتي وما نقدرش نرجع لدار وحدي يا أختي راكي راجعة لدارك واولادك و شريك حياتك في كلمة وحدة راجعة لدنيتك
وفي ما يخص الكتاب اللي لقيتيه ما تخافيش اسالو امام مسجد يوريلكم كيفاش ديرولوا و نرجع نقولك هذه نتيجة غيابك لكن ارجوك ما تتهميش اهل زوجك لانك ما عندكش دليل و لان الدار الي مولاتها غايبة يكثروا الي مستعدات يجوا في بلاصتها
يا اختي نوصيك و نوصي روحي و كل زوجة "مشاكل دارك حليها و انت في دارك" صدقيني المشكل راه يبدا كبير و مع الوقت يصغار و يتنسى
وما تنسايش الرقية الشرعية اتعلمي ترقي روحك واولادك وزوجك و دارك في حفظ "الرحمن"
اللهم استر بيوت المسلمين واحفظهم من كل شر امين