[دكتورة ان شاء الله]

[Iلسلام عليكم
قبل كل شيء صلوا معي على رسول الله صلى الله عليه وسلم
من مدة وأنا نحوس على وصفة ناجحة للجينواز لقيت بزاف نتاع الوصفات ومعظمهم طلعي الصافر وحده والبياض وحده وأنا هاد الطريقة تخفني شوية حتى لقيت وصفة الشاف فيليب هو شاف فرنسي،وأنا هاد الوصفات نتاع الباتيسري ناخدهم من عنهم لأنه هوما المختصين في هاد المجال.
المهم لقيت وصفة ساهلة للجينواز وناجحة من المرة الاولى.
الخطوات ديتها من الموقع نتاع هاد الشاف لأنه مستحيل نصور وحدي المراحل لأني ندير وصفة وأنا نجري بنتي دير كوارث من مورايا لازم ندير الوصفة بالخف ونروحلها قبل ماتخرب الدنيا.
لازم توجدي كل شيء قبل تحطي المقادير قدامك وتوجدي المول قدامك وتسخني الفرن.
الوصفة هي :04 بيض+120 غ سكر نضربوهم بالفوي فوق حمام مائي حتى تولي درجة حرارته 40 درجة،هو من المفروض يكون عندك تارمومتر أنا في الحقيقة صبعي هو التارمومتر كي ينحرق نعرف بلي راها درجة الحرارة نتاع الخليط راها 40درجة.
من بعد نبعده من فوق النار ونزيد نضربه بالباتور حتى يبرد الخليط ويتضاعف حجمه من بعد نزيد الفرينة المغربلة 120 غ ونخلط بمغرف خشبية.
نحطها في المول ونديرها في الفرن بدرجة 180 حتي تطيب ومالازمش نحل الفور ولا راها تطيحلك.
كي تبرد نحيها من المول وزوقيها كيما تحبي.
هاهي المراحل
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
عذرا على الصورة صورتها فوق البوتاجي معى بنتي ماكان لاهمة لاشان ههههههههه