[مشكلتي]

السلام عليكم
اريد استشارتكم في خاطب تقدم لي هل اقبل ام ارفض عاونوني بارائكم ربي يجازيكم
انا فتاة ابلغ من العمر 29 سنة. استاذة في التعليم الثانوي. متخلقة والحمد لله. تقدم لخطبتي استاذ عمره 39 سنة. يسكن هو و أمه. كان يعمل مع أخي وقال أنو انسان ماشاء الله ذو أخلاق عالية وحتى أهلو سقسينا عليهم قالولنا ناس ملاح لكن المشكل هو أنو مطلق وحسب حديث صاحبو انو طلق زوجته لأنو لقاها تهدر في التلفون مع واحد.
حبيت تعطولي رأيكم بصراحة والله راني مخنوقة حسوبيا تعيشو لخاطر ما لقيتش لمن نحكي ونفرغ قلبي. والله ما ني نرقد في الليل دبرو عليا لأني خايفة من كلام الناس. يقولو كيفاش لاباس بيها وقبلت بواحد مطلق؟ وثاني ومترددة من جيهتين
الأولى أن كبير في السن ولا راني غالطة؟
والثانية أنو مطلق. هل هذا في رأيكم سبب ارفضه عليه وهل أأثم على ذلك؟
لا تبخلو عليا بردودكم وادعولي معاكم امانة.