أروع خبز بالفرماج و الزيتون والأعشاب وصفة + فيديو
السلام عليكم
بعد غياب طويل اليوم جبتلكم وصفة أو يمكن القول مقبلة ولي هي خبز الفرماج بالزيتون و الأعشاب من الوصفات المفضلة عندي و أنا عملت الوصفة بالفيديو على اليوتوب من هنا
بالنسبة للمقادير:
2 و نصف كاس فرينة (أنا فالفيديو غلطت كتبت كاس و نصف)
باطا ياغورت طبيعي
ملعقة كبيرة خميرة الخبز
ملعقة صغيرة خميرة كيميائية
ملعقة صغيرة ملح
ملعقة صغيرة سكر
1/4 كاس زيت
ماء دافئ للم العجين
الحشوة:
2 فرماج شاف
أصفر بيضة
ملعقة أعشاب بروفانس
و 3 ملاعق كبيرة زيتون مقطع
الطريقة:
نخلط كل المواد الجافة نضيف الزيت و نخلط ثم الياغورت و نعجن في الأخير نلمها بالماء الدافئ و نعجنها شويا، نخليها تخمر، بعد ما تخمر نشكل كويرات نحشيهم و نحطهم في سنيوة بالشكل لي تحبوه و نزيد نخليهم يخمرو 30 دقيقة و ندهنهم بأصفر البيض و ندخلهم الفرن 200درجة حتى يحمارو و يطيبو مليح.
أعتذر لأني لم صور الخطوات لكن علمت فيديو للوصفة و نتمنى تعجبكم الوصفة و تجربوها.
آخر تعديل زينب 83 2017-03-13 في 09:16.
|