[أم أسرار]

المشاركة الأصلية كتبت بواسطة أم أسرار

بسم الله الرحمان الرحيم
السلام عليكم جميعا و الله راني فرحانة كي نجحت باش درت المقروط هبلني منين نجي نخدمو تصرالي مشكلة فيه مرة يطيحلي في المقلة مرة يجي يابس ملا قولتلو وراك وراك و الزمن طويل و الحمد الله تحديت و نجحت
أولا نشكر أختي نور الإسلام لي عطاتني الوصفة و الكيفية ربي يفتح عليها و ينورلها طريقها و يفرحها أمين يا رب
نخليكم مع الوصفة و المقادير و الصور طبعا وفي الاخير لا تنسونا من صالح الدعاء
المقادير
• 3كيلات سميد الخاص بالمقروط
• 1كيلة سميد رطب
• 1كيلة يدام يعني سمن و زيت
• قرصة ملح
• 1كيلة ماء الزهر

الحشو بطريقة كونت جربتها في حلوى أخرة و جات ممتازة
• 200 غ تمر أو الغرس
• 2 ملاعق كبار عسل
• القليل من قرفة مطحونة
• القليل من الزبدة طرية
• 2 ملاعق كبار ماء الزهر

طريقة التحضير
• في إناء نحطو سميد و الملح و ليدام
• نحك بين الكفين الخليط سميد و ليدام باش سميد يشرب مليح
• نضيف الكمية كاملة ماء الزهر و نخلط جيدا
• نخليوه يرتاح ربع ساعة
• بعد ما ترتاح العجينة نشكل حربوش و في الوسط نحطو التمر أو الغرس
• نغلق الحربوش نسويوه ومن تم نقطعوه على شكل مقروط
• نقليوه و غير يطيب نحطوه مباشرة في العسل لي نضيفولو ما الزهر و نخليوه في الكسكاس
• كي نقدمو المقروط نعسلوه مرة ثانية
شهية طيبة

أشكر كل واحد مر من هنا ، الله يفتح عليكم و يباركلكم أمين يا رب العالمين