[وفاء الياسمين]

المشاركة الأصلية كتبت بواسطة أم تغاريد

السّلام عليكم ورحمة الله وبركاته
لا أدري كيف أشكرك يا أم نسيبة
ربي يجازيك ويفرح قلبك الطّيب
متشوووووووووقة جداا للبداية
انا مطبخي فيه الباج الاصفر والبرتقالي
حاليا الريدو راني في اللون البرتقالي
بما انو قلتي نخيطو طقم كامل راني نخمم في اللون الباج لانو يضوي المطبخ وشفت بلي راهم يديروه بزاف حاليا في المطابخ تعطي لمسة تاع القديم في طابع أنيق جدااااا يستعملو فيه بزاف الخشب باللون الطبيعي والسلات كيما في الصورة

واش تقترحي علي نوعية القماش والسعر تقريبا وربي يعطيك ما تتمناي من الخير

و عليكم السلام و رحمة الله و بركاته

لا شكر على واجب بين الإخوة

ماشاء الله نحب بزاف هذا اللونين

شوفي في القماش الخاص بالكوزينة منظنش تلقاي لون موحد قليل
لكن لما تروحي تشري لقماش حوسي في القماش الخاص بالطراشن تلقاي فيه الوان بين الباج و البرتقالي يهبلو
و السعر مايتعداش 140 دج و حسب النوعية كاين حتى 240 دج و الله اعلم وكل منطقة كيفاش

المهم اذا ملقيتش تقدري تستعيني بطراشن أي مناديل مخيطة اذا لقيتي فيها الباج و تخيطيها كيما حبيتي

أ تشري قماش عادي موحد اللون مثل الفينا ، لابوبلين ، الميتيز ، الشاش كلها تفي بالغرض

وبما أنك اخترتي الباج حاولي تبحتي على الخيشا راهي تتباع ييجك طقم شباب ماعلاباليش السعر نحوس ونقولك

و الله أعلم