[قصي عبد الرحيم]

اليوم درت المونة جات هايلة و خفيفة بزاف كانت تحضرها جدتي ربي يرحمها



المقادير
1 كلغ فرينة أنا استعملت لابال
125غ سكر عادي
ملعقة صغيرة ملح
قشور القارص
2 ملاعق كبار حليب غبرة
20سل زيت
03 بيضات تضربيهم مليح قبل ما تضيفيهم للعجين باش ما يديروش الكويرات الصغار
1ملعقة أكل ونصف خميرة الخبز ذوبيها في الماء و خليها 2أو3 دقايق تتفاعل و ضفيها للعجين و بلي بالماء الدافئ غير بالعقل باش ما تجريلكش
وأمبعد كي تكملي الوقت ألي تغسلي يديك من العجين إذا جاتك جارية و تلصق أدهني يديك بالزيت و شكلي كويرات صغار
أنا درت نص محشي بالشكولاطة و نص عادي حطيت عليه السكر برك كيما تشوفيهم خمرو أدهنيهم بصفار البيض مخلط بشوي سكر و شوي زيت و حطيهم يطيبوا في فرن ساخن كيما أنتاع خبز الدار
و شهية طيبة