السلام عليكم اعتذر للتاخر
شوف اخي فعلا كيما قلت العين اليمنى ممكن نديرولها الليزك لكن اليسرى لالا احسن الاطباء تاع تونس وتاع الجزائر يوصلو ل 15 وقليلة الاغلبية هي 12
لذلك الحل هو لامبلون كيما قلت اخي ولكن ليكن في علمك les implants يحلون محل النظارات والعدسات ولا يعالجون الميوبي
نولي لواش قلت نقطة بنقطة اخي
بداية انا دارسة لمجال القياس البصري ولست بطبيبة لذلك سوف افيدك بما اعرف والكلمة الاخيرة للاطباء
+
شوف اسيدي مالا العدسات ينقصو النظر شكون قالو هكا لازم عليك تبقا بالعدسات او النظارات لانو هي لي تعاونك باش تشوف وتحاول تنقص في سرعة نقص النظر عندك خاصة وانو وراثي عندك للاسف لاميوبي الوراثية تكون ايفوليتيف
وعليه لازم تلبس اما النظارات او العدسات
وبخصوص العدسات قولي اخي هل انت اول مرة ديرهم او مالف ديرهم وبدلتهم من 6 اشهر
وهل انت متقيد بشروط وضع عدسة وقولي هل لاكوراكسيون لي قتلي عليها هي تاع رلالونتي ولا تاع النظارة
وهل لاكوراكسيون لي عندك هي ميوبي فقط او كاين ارقام اخرى في لوردونونس
من فضلك جاوبني بالتدقيق لانو لاكوركسيون تاع النظارة وتاع العدسة مش كيفكيف
+
بخصوص ثقب الشبكية للاسف لاميوبي ايفوليتيف تخلي الشبكة حساسة شوية ويصراو فيها ثقوف وعملت مليح انك داويتها والا رايح تاثرلك في نظرك
+
بخصوص هل بعد لامبون تزيد تنقص
كيما قتلك اخي لامبلون يعوض النظارة وميداويش لميبوي ايضا حاجة مليحة في الميوبي انها بعد سن 25 تبدا تستبيليزا وبما انك 26 فانت في سن استقرار لاميوبي ومش رايح تزيد تنقص كيما كنت تنقص وانت صغير ولو كملت لبس لاكوراكسيون فيجي وقت وين تبقالك نفس الدرجة
وهذا شيء يعاونك في لامبلون كي ديرها رايحة تكون ايفيكاس ليك
+
لحسن حظك انو صديقتي عملت ميموارها تاع التخرج على ليزامبلون عند ناس لي عندهم ميوبي فورت كيما حالتك يعني انا جاوبتك اونجينيرال هي رايحة تفصثلك في الحالة تاعك
رايحة نستشيرها ونرجعلك الخبر اليقين فقط كمل جاوبني على باقي الاسئلة باش نجاوبك بدقة