السلام عليكم ورحمة الله تعالى وبركاته ان شاء الله تكونوا كامل وعائلاتكم بالف خير اليوم جبتلكم وصفة من تاع زمان بنينة ودوب فالفم حلوة الوريقات الوصفة ساهلة ماهلة عندنا 250 زبدة + حبة بيض +كاس سكر ناعم + لافاني + ربع ملعقة صغيرة خميرة كميائية (تفدري تستغناي عليها) + كاس ميزينة + فرينة نخلط السكر مع زبدة حتى يصبح كالمرهم ثم نضيف البيض ونخلط قم نضيف لافلني والمايزينة والخميرة ثم في الاخير نضيف الفرينة حتى نلم العجينة نخليها طرية ما نيبسهاش هنا سيدتي عندك الاختيار في ترك العجينة بيضاء اللون او نقسمها نصفين وحدة نخليها بيضاء والاخرى نلونها بملون اخضر نمزج الاخضر مع الابيض ويعطيلنا لون روووعة نحل العجينة بالحلال على سمك 1/2سم وبوسيطة المول نقطع حبت الورقة ثم باامول التاني نشكل خطوط الورقة نرفع حبة الحلوى على مهل ونستعمل السكين لتسهيل العملية لان العحينة تكون طرية بزاف ويصعب حملها نضع الحلوى في سنية وندخلها الفرن لمدة 5دقائق الى 7 دقائق العجينة رقيقة وطرية طيب تمتم بعد ما طيب نلسق كل حبتين بالمعجون او الشكولاطة ونطلي الجوانب بالمعجون ونغطسها في جوز الهند نخليكم مع الصور هنا بعد ما طابت تحياتي للجمييييييع