تحية اخي وبالمناسبة انقل لك هذه المحاولة الشعرية من عندي ليست بعيدة التأليف مادام الموضوع واحد:
يا لخضر..(هدية شعرية مهداة للخضر حمدي)
[right]
ي
ا لخـــــــضر شاتي اتبعّد ذالدخــــان///***///وتلوحو وتخاصمو يا سي حمدي
ذالمخبث عاديه ما فيهش لامــــــــان///***///هالك خلق اكثـير للموت ايــوَدّي
يا لخضر وعلاه تشرب فالـــنيران///***///فيق لروحك راك فالصحة تـــــقدي خليت الخيرات وكـــــميت القطران ///**///الرية والقلب والـــــــوجه امصدّي
ما يبقى لانور ما يبقي إيمـــــــان///***/// وسحابو غــــــطاه تمــــثيل الشادي
اتهدّم في صحتك والوقت اشْـــيَان///***///ورهوج الدخان عالــــجسد اتسَّدي شفت النـــعمة ولات تاذي فالإنسان///***///والدخــان شفــناه للـــموت ينادي
راه حرام حرام واضح فالقرءان///***///في سورة لعــــراف تلقى مقـــصادي
ذا مـــول الدخان والله ما يزيان ///***///واعْضَاوَاتو كل للــــمرض تـــرندي
يسقط جيش الجسم قدام الدخان ///****/// ويستسلم ذالجيش القايد والجندي
وبالصحة والعافية كلش يــزيان///***///والدخــان مولاه خــاسر متـــــحدي
والروح اعزيزة تخليها تتــهان///***///وقاتل روحو عند ربـــي متـــــــعدي
هذا العشبة هي اسباب السرطان///***///هــــــــدية صهيون بالسم امســَوْدي
فيق لروحك شوف تخطيط العديان ///***///كانك مسلم تبع طْريق الهـــادي عاديه وعاديه لوحو في رمضان///***/// راه الرب يــــعاونك يا بوجـــادي
ولسانك شاتيك يا لخضر يزيان///***/// بذكر الله يطياب يا لخضر حمدي
شاتي خويا يعود هاني في لامان///***/// وراني ننصح فيك وهذا مقصودي
ذبن عامر جابلك هذا البيان///***/// ويعزك ويقدرك يا سي حـــــــــمدي
خمسطاعش وألفين منو شهر جوان ///**/// جبنا ذالكلمات وهذا ما عندي
والصـلاة اعليه نابينا العدنان ///***/// محمد شفيعنا سيد اســـــــــــــيادي
بن عامر محمد الأغواط 05/06/2015