[سطايفية بكل فخر]

ماذا تحتاجون في الاقامة:
طبعا الحاجات تختلف من شخص الى اخر
ليس القريب للبيت مثل البعيد عنه وليست الفتاة مثل الذكر وليس من يقيم بمفردة كمن يقيم مع شخص اخر, انا ساقوم بوضع قائمة عامة بما تحتاجون من خلال ما ريات وما حكى لي بعض زملائي في الدراسة ,تختارون منها ما يناسبكم طبعا

نبدا على بركة الله

1) حاجات النوم:

سيكون في الأ قامة سرير وفراش ( ماطلا) وغطاء لكن حاولوا ان لا تستعملوا اغطيتهم خذوا معكم حاجيات النوم ساتحول للدارجة باش تفهموني:
- اول شيء هو draps house باش تغطيو الماطلا لانو مستعملة منذ اجيال وزيدوا فوقها درا

-الكوشاج او كوفيرطة (زورة ) او كوات لانو معظم الاقامات الجامعية باردين
-المخدة منحكيش عليها هي الصح اخاوتي مترقدش مليح راح نهارك هههه انا مخدتي قريب نعود نسافر بيها
-وبلاكم تلهاو بالنوم وتنساو هذا؟
المنبه
للاسف وقت الدراسة يحلانا النوم والبورطابل ميوليش فعال وجرس الصين العظيم ميفطنكش

2) حاجيات الاكل:

وهنا طبعا تختلف من الفتاة للذكر لانو لفتيات يطبخن وان كان هناك ذكور يطبخون ايضا طبعا تحتاجون*
-ريويستونس لانو طيبو عليها وكاينين لي يخليوكم دخلو الكوبينج مي تولهو لديرو ديقا ديما تولهو منهم
-السيد شوكة والسيدة *ملعقة * وابن عممهم -السكين
-الراعي الرسمي للشباب في الجامعات محبين القلي *المقلاة طبعا
- طنجرة للطبخ ومعها كاسرونة*
-براس صغير للقهوة * للقهواجيين ومحبي الحليب
-بول *او فنجان باش تشربو القهو والحليب

- صحن للاكل
- كاس للشرب

3) حاجيات الاستحمام
طبعا التحمام تاع الدار ويامات العز تنساوهم
اما تروحو للحمام برا او دوش الاقامة او في الشومبرا حسب كل اقامة
و العين اقامات كثيرة ميلقاوش فيهم الما لذلك الحل الامثل هذا البيدون " جالما ثور تعمر
وبالنسبة للحاجيات
ماعليكم غير ديرو كابة صغيرة فيها اشياءكم ساك دوتوالات المنشفة تاع الحمام واموركم الشخصية
بالنسبة للبنات متنساوش السيشوار
باش تنشفو شعوركم باش متمرضوش

4) الملابس:
طبعا الملابس كل واحد واش يحب يلبس فقط ماتبالغوش بزاف لاوتديو الدار وحافظو على ملابسكم ثما
بعد الغسيل حاولو تنشروا حوايجكم في الظل باش متفسدهملكمش الشمس هدرتي هذه للذكور وليس الاناث والسراويل حاولو تشريولهم سائل الغسيل وليس الاومو ديروهم فيه حوالي نص ساعة وغسلة خفيفة مع تشليلة باهية وانشرو فوق ليسانتر وعلقو في الخيط حتى ليتريكو تاعكم انشوهم فليسانتر وانفظوهم مليح قبل النشر لانو انتم معندكمش لي يحددلكم حوايجكم فهذي الطريقة مفيدة ليكم
البنات منخافش عليكم فاروباسي يعاونكم
حاولو اذا كنتي ات وشريكتك وحدة تدي سيشوار وحدة تجيد الفاروباسي
وانتم ايضا استعملو ليسانتر


5) ادوات البريكولاج

ادوات البريكولاج
-طبعا من اهم المفارقات لتصرالكم انو تنساو السيد مفتاح لداخل وتسكرو الباب ويصرا هذا الشيء لما تكون مزروبين او اصدقائكم في لاشومبر مش موجودين لازم كي تتقفل على العبد تتقفل ضربة وحدة وعليه لازمكم تكسرو القفل ولهذا يلزمكم تورنوفيس ديما معاكم حاولو يكون مليتي تات باش تستخدموه لكلش شيء مثل هذا مثلا

ومعاه شوية فيسات ومسامر متطمع وشا يصرا معاكم

- التريبلات لازمة لانه يوجد ماخذ او اثنين فقط وحنا الله يبارك عدنا كل وسائل التيكنولوجيا بالكهرباء
- المقص وقرافاز وشريط لاصق

6) حاجيات اضافية يمكن ان تستخدموها

-حاوية قمامة او سلة
- شموع او مصباح صغير لا يعمل بالكهرباء لحالات انقطاع الكهرباء
- مراة صغيرة او متوسطة الحجم
- علبة خياطة (سوري وابرة وغيرها)
- ريدو بحجم نافذة الغرفة لان لا تدخل الحشرات والشمس فيجب تغطيتها خاصة للبنات يجب تغيطيتها لانها تطل على العمال او الطريق فلا يجب ان يراك احد وانت في الغرفة
,,,,,,

اي شيء تذكرته او تذكرتموه انتم ساضيفه هنا
ونتمى من المقيمين اثراء الموضوع لفائدة الجميع
وشكرا