أخي من تجربتي الشخصية نقولك شوف لروحك قبل ما تشوف للناس
كاين أهل الاختصاص وماهيش عاجبتهم راح يقولك اخطيك وكاين ناس عاجبتهم يقولك روح
نتا قيس على نفسك هل وضعيتك تسمحلك بالبقاء في داركم وتدرس حاجة أخرى وتروح فيها بعيد وتكون أحسن
أو وضعيتك الآن مايش باينة وفيها وعليها....زد على ذلك هل نتا راح تنخرط عن قناعة ولا هكداك برك
بالنسبة لحكاية الحرية و ما إلى ذلك واحد ما هو حر إلا قليل...يعني قادر تكمل تقرا في الجامعة وتبقى تبريكولي وديما راسك معمر وهادي ماهيش حرية
وأي واحد خدام عند الدولة ماهوش حر سواء موظف في شركة أو أستاذ أو طبيب أو عسكري كامل عندهم نظام عمل يمشو عليه اختلافات بسيطة ماهيش راح تكون ذات تأثير كبير
ربي يوفقك وماتنساش صلاة الاستخارة