منتديات الجلفة لكل الجزائريين و العرب - عرض مشاركة واحدة - كيما وعدتكم بقلاوتي اللي عجبت الكل
عرض مشاركة واحدة
قديم 2015-08-02, 02:39   رقم المشاركة : 1
معلومات العضو
raboha
عضو محترف
 
الصورة الرمزية raboha
 

 

 
إحصائية العضو










M001 كيما وعدتكم بقلاوتي اللي عجبت الكل

بسم الله الرحمان الرحيم
اللهم صلي وسلم على نبينا محمد صلى الله عليه وسلم
إن شاء الله موضوعي يلقاكم كامل بخير و يخليكم على خير هاني جيت و جبت بقلاوتي اللي عجبت الجميع و كل من ذاقها هبل عليها
أيا قلت منبخلهاش على خياتي باش يفرحو بيها عايلتهم و جيرانهم
المقادير:
أربع كيلات فرينة
كيلة معمرة مابين سمن مدينة و زبدة التوريق صالحة أو أي ماركة عندكم
قرصة ملح
زوج ملاعق كبار فانيلا واه زوج ملاعق راها تجي فيها وحد البنة هبال
ماء الزهر و ماء نلمو بيه
خلطي الفانيلا و الملح مع الفرينة ثم رمليها بالسمن و الزبدة الذايبين مع بعض من بعد فوتيها فالسيار ثم لميها بالماء و ماء الزهر
كوريها كرات وخليها ترتاح
الحشو:
أنا منكيلش الكوكاو حتى نعبر فالسنيوة نشوف شحال ندير علو ثم نكيل ثلاث كيلات و نزيدلهم كيلة سكر عادي و زوج ملاعق كبار فانيلا
و نشمخ بماء الزهر و نخليه يرتاح
الطريقة باينة تاع البقلاوة و التزيين كاين اللي درت وردات و كاين اللي نقشتهم باللقاط العادي و اللقاط اللي حطاتو ختي زينب
و بين الطبقات دهنت بسمن مدينة وحدو مزدتلو والو و خليتها رتاحت نص نهار من بعد دخلتها فرن سخون شوية شعلت غير من تحت و خليتها طابت براحتها مدة ساعة لقيتها حمارت كامل بلا منشعل من فوق من بعد عسلتها
نخليكم مع الصور




شوفو هنا الطبقات كيفاه باينيين


هاني كملت خياتي نتمنى بقلاوتي تعجبكم و ياريت تجربوها و الله النتيجة روعععععععععة
في أمان الله









 


رد مع اقتباس