[همس المشاعر*]

المشاركة الأصلية كتبت بواسطة nassim vip

شكرا على مرورك
أحترم رأيك كما أحترمتي رأيي
لكن أنتم النساء لا تحبون الحقيقة
اروي لك هذه القصة القصيرة عندما تقدم شاب ذو خلق و دين لكن فقير قصد الزواج الحلال فرفضته هي و عائلته و السبب أنه #فقيــــــــــر
و في المرة الثانــــية تقدم شــاب فاسد الأخلاق وناقص دين لكن غني ذو مال و جاه فقبلوا به و فبلت به هي أيضا لكونـــــــــــه #غنــــــــــي

قالوا لها كيف فبلت بشاب اخلاقه فاسدة و تركت الشاب الذي يتصف بأخلاق نبيلة فقالت يهديـــه الله الى الطريق المستقيم

عجبا لأمركم لماذا لم تأخذ الشاب الأول و تقول أن الله يرزقنا في المستقبل من يهديه الله فهو أيضا يرزقه من حيث لا يحتسب

الله يهديك اخي لاتعمم...على العكس ..انا من عائله متوسطة الحال وخويا تزوج وحدا لاباس بيها تخدم كيفو مهندسه عنهم فيلات ..دراهم....انا ماامنتش حتى نهار درنا العرس ..عايلتها كل يحبو خويا لخاطرش خويا حشام قاع الناس يشهدو بتربيتو ..بنت المرا مايشوفش فيها ..عمرو في حياتو مادارلينا مشاكل كان همو غير قرايتو وخدمتو ....كل ما نقصدو مايردنيش ..ماما ديما تعطيه دعوة الخير من صغرو (الله يخليه لينا).....نهار لي خطبناها الناس قاع تخلعو وحسدوه قالولنا هديك الولايه قاع مايمدوش بناتهم لواحد ماعندوش الدراهم ..بصح خويا انا عندو اخلاق ....جا شحال من واحد مورانا يخطب وما قبلتش ...عايلتها الله يبارك ناس زينين ومش متكبرين ...وراهي عايشه غايا معاه مارانيش نشكر فيهم بصح المعامله نتاع عايلتها الله يبارك...هي تاني اخلاقها زينه ... علاهادا خويا ماشي قاع البنات همهم غير الدراهم ...كاين بنات فاميليا ...وكاين بنات قبلو بواحد قليل بصح الوالدين وقفو في الطريق زعما خايفين على مستقبلها كاين بزاف من هاد الحالات ...وكاين بنات يحبو الدراهم والتفحشيش ..انا نقوليهم (المرا ايلا تزوجت واحد عندو الدراهم يجي النها ر وين يزيد عليها الضرا لخاطرش الزواج يجيه ساهل لانو ناقص دين (عندو الدراهم)كيما حط عليك 50مليون قادر المرا الزاوجه يحط 70..والثالثه 80....)كيما قالو الاخوه (الطيبون للطيبات)...لهادا لاتجعلو همكم غير الزواج ...الزواج مكتوب