السلام عليكم
اول شيء التقومي بيه تعملي طلب تحويل فيه امضاء مدير التشغيل للولاية الي راح تحولي ليها
يعني بلي راه موافق هو انه يعاودلك كونترا في الولاية وثاني يمضيلك مدير التشغيل للولاية الي راكي تخدمي فيها
ومن بعد تمضي فيها انتي ولازمك تعملي شطب من مديرية التشغيل الي راكي تابعة ليها وهذا بكتابة طلب شطب
وهوما راح يكملولك الوثائق الاخرى مثل الضمان الاجتماعي ويعطوك كل الوثائق الخاصة بيكي نتاع مكان العمل نتاعك الاول
بصح قبل ما تعملي هذه الاجراءات ننصحك انك تجدي مكان عمل في الولاية الي راح تحولي ليها ولازم تكون عندك شهادة اقامة
لانه شهادة الاقامة مطلوبة في الملف الجديد وكاين وثائق في الملف تدفعيهم من مكان عملك الاول مثل محضر التنصيب الاول
وكذلك الملف فيه طلب موافقة تابع بامضاء وختم من صاحب العمل الي مثل ادارة او اي عمل لازم يوافقلك مدير العمل وثاني موافقة من
وهذه الوثائق اكل تدفعيهم في مديرية التشغيل وهوما يقومو بالواجب. وش هو راه ممكن الطول شوية كما انا قعدت 4 شهور باه تسناتلي الكونترا الجديدة
ربي يوفقك