السلام عليكم و رحمة الله و بركاته جبتلكم اليوم طبق جميل و لذيذ و صحي ان شاء الله يعجبكم حبيباتي Courgette tresse الصراحة انا كنت راح ندير طبق لقيت روحي في طبق ثاني هههههه ، انا كنت راح ندير غراتان و الوجه تاعو يكون كوجات مضفرة ، كمية اللحم ماكفاتنيش و حبيت نحافظ على الفكرة بدلتها و الحمد لله خرجت هايلة نبدأ بسم الله نحتاج كوسة مغسولة ، انا نغسلها بالماء و الخل و فرشاة خاصة على الأقل نقص من الأسمدة الزراعية و الشوائب لحم مفروم متبل بالثوم و الدبشة و المعدنوس و كسبر و ثوم بودرة و شوي شابلير و بيضة و ملح نشكلوه على شكل بويضة و نحشيوه بالجبن الصوص ممكن حمرا او بيضاء انا درت بصل و ثوم و ثوم بودرة و كسبر و دبشة و معدنوس و نصف ملعقة طماطم ، و ملح و حمص و فطر مقطع و لحم عجل و ملعقة زيت قليتهم و مباعد زدت لهم شوي ماء و خليتهم طابو ، المرق لازم تكون خاااااااثرة و اخيراً التشكيل نقطع الكورجات قطع رقيييييييييقة مثل الشيبس ثم نقطعوها طوليا على اثنين و نستفوها فوق بلاستيك غذائي كيما في الصورة و نبداو نضفرو فيها ، ندخلو و نخرجو بعد مانكملو نرشو فوقها شوي ملح و بهارات و ندهنوها بالبيض نحطو كرات اللحم كما في الصورة و نحاولو نغلقوها بمساعدة البلاستيك نغلقوها من الجانبين بخيط بعد الضغط طبعا ، نعدلوها نحطوها تفور في كسكاس و بعد ماطيب نستفوها في صحن و نسقيوها بالصوص و الف هناء و شفاء ملاحظة بهذي الطريقة تقدرو ديرو خضر اخرى ماشي شرط الكورجات ، مثلا بطاطا ، جزر ، بورو يعني كراث ،،،،،،،،، اذا لقيتو خطأ نبهوني ، راهم عينيا حوالو هههههههههه في امان الله و حفظه