[سطايفية بكل فخر]

المشاركة الأصلية كتبت بواسطة " سرحات "

اختي السطايفيـة ربي يخليك لينـ ياربي وشكرا لك جزيـلا على هذا الموضوع تشرحين كل تخصص ومبعد لنـ حرية الإختيار ياو ربي يعطيلك ماتتمني اختي
+
ممكن برك تقوليلي انت في سطيف عندكم ؟ تخصص : هندسة مبلورات ؟ وش تعني هه وش فيهـ
+
يوجد تخصص وقاية امن صناعي + تخصص حماية وامن صناعي اظن ؟ وش تقرا فيهم وش تتخصي فيهم ..........
+
كيمـا قتلك سابقـا حنى في ولايتي الجلفة تقريبـا الطلبة يدروا تخصص تكنولوجيـ ؟ بصح لي عدهم المعدلات فقط 10 و 11 ؟ وش فيه هذا التخصص نتاع التكنو ربي يخليك
++++++++++
بخصوص المدرسة التحضيرية الإقتصادية ؟ انـا هادي متناسبنيش صح لانني تقني رياضي ؟؟؟
غير ننساه ام لا ؟؟ ربي يخليك
++++++
شكرا لكي والله يحفظك ويفرج عليك اي هم ويفت عليك في الدنيـا والاخرة

اهلا اخي
واجبنا اي معلومة نقدو نفيدوكم بها منبخلوش عليكم
+
فقط اسالوا اذا عرفت التخصص نجاوبكم اذا معرفتش نبحثلكم عليهم او نحولكم لاهل التخصص

+
بالنسبة لهندسة المبلورات ،قولهالك بالفرنسية تفهمها ههه لانو بالعربية معقدة
génée polymère يعني تقراو على اللدائن ليبوليمار هوما مواد كيميائية عضوية وهو تخصص كان تابع للتيكنو وانفصل لوحده تقراو فيه كيمياء لكن خاصة فقط بليبوليمار
الدعوة فيها سيباصا نصيحتي متحطوهاش في الاختيارات على الاقل ل:1في هذه السنة لانو اللدعوة مجهولة فيها نهائيا كي تبان وتولي مليحة خيروها
حاليا لا انصح بها احد اقراو تكنو احسن منها
+
بالنسبة للنظافة والامن الصناعي والصيانة والامن الصناعي هوما في زوج نفس التخصص فقط التسمية تختلف الاولى في باتنة والثانية في وهران الان ام عاطيين الاولوية لتاع وهران فيها تخصصات بزاف
من الامن الصناعي
منها تكنولوجيات المحروقات
منها الصيانة وغيرها
تقدر تخدم بالديبلوم في سونطراك والسونلغاز وايضا في الصحرا
+
التكنو او التكنولوجيا او علوم وتقنيات هي اسم واحد وتعدد التسميات
التكنو يقرا فيها المواد التقينة كيمياء فيزياء رياضيات هذو لاباز تاعها
من بعد كاين تخصصات فيها حسب كل جامعة وشا خالة
فيها هندسة مدنية
فيها ميكانيك
فيها الكترونيك
فيها الكتروتيكنيك
فيها هيدروليك
فيها كيمياء وكيمياء صيدلانية
وغيرها من التخصصات
+
شوف اخي انا منقدرش نقلك انساه لانو نعرف قداش من واحد كان تقني رياضي وكان علوم تجريبة وقدر يقراها
انا وشا نقدر نقلك خليها كحل بديل اذا قدرت تقرا تخصصك اللهم بارك ادا لا وملقيتش واش دير اقراها انا لو محلك ندير هكا
لكن القرار يرجع ليك اخي وزيد راهم كاينين الالف التخصصات متقلقش روحك برك
ولي يكتبو ربي يكون
ولا راني غالطة؟كون تشوف حنا وشحال حرنت على الميدسين لكن ربي مكتبوليش ملقري عندي 2 باكات والحمد لله بعد مرور سنوات لقيت بلي صح انا خاطيني الطب لاني منحفظش تاكد بلي ربي يكتبلنا كل خير حتى لو كان بدايتو صعبة
+
اجميعين ان شاء الله
بلعقل برك كلنا مرينا بهذي الفترة والحمد لله الان المعلومات راهي كاينة