السلام عليكم
اسمحولي نقطع حفظكم
كنت ناوية اليوم نكتب حفظي للسورتين كاملتين و نحطه في الليل و لكن راهم يدي يرجفو
اقتباس:
اليوم على 6 الصباح رن الهاتف عرفت كاين حاجة انا راح بالي لسلفي مريض و اذا بيهم يقولونا ولد اخت زوجي "ولد لوستي" في عمره 25 سنة متخرج من الجامعة و خدام يماه بانيتلو فوقها دار و تستنى غير تزوجه على طوعها و من اختيارها و اذا به تخطفه الموت قبل رمضان بيوم
تأثرت بزاف بموته و غاضني كان ديما كاشخ و يضحك و الي غاضتني اكثر والدته كان احن اولادها عليها كان ديما يسلملها على رجليها و يبدا يبوس فيها من رجليها لكتافهاهو ربي يرحمه و يماه الله يعطيها الصبر بلا عبر الله يرزقها توبة نصوح في هاد رمضان تستقوى بيها على المصاب الجلل الي اصابها الله يبدل حبه في قلبها بحب ربي و الرسول صلى الله عليه و سلم ربي يعظم اجرها و يخلفها خيرا منه
الي غاضتني اكثر و احنا رايحين ومشينا اكثر من 70 كلم باش نحضرو للجنازة و هوما اتصلو بزوجي من العمل و ذكروه بمهمة كان راح ياديها غدوة و ماقدرش يسافر راهي حرقة في قلبه مسكين الله يصبرهم كلهم و ربي يرحم الميت و يتجاوز على سيئاته و يكثرلو من حسناته ربي يثبتو عند السؤال و ربي يجعل قبره روضة من رياض الجنة و ماتجعلهاش حفرة من حفر النار اللهم امين
نتمنى تتذكروه اليوم بدعاءكم و اكثر تتذكرو والدته بصالح دعائكم
|
يا اخواتي قعدت البكية في قلبي راهم عيني يحرقو من قبيل و انا ندور في الدار
و نرجع للمنتدى ندخل نبارك لاصحاب السانكيام قول بلاك يتبدل عليا الجو
كي مارجناش و ماحضرناش للجمازة قعدت حرقة في قلبي
راني مكوية غايضني بزاف و الي غايضتني اكثر امه مسكينة لحد الان ماقدرتش نهدر معاها في التيليفون راهي في حالة
وش يجيب غدوة باش نروحو