[بشرى التيسمسيلتية]

صباح الخير يا وجوه الخير
ان شاء الله صبحتو بخير و صحة و عافية يا رب
كيما راكم تشوفو من العنوان
اليوم جبتلكم حلوى الليمون من قناة سميرة tv
نبداو على بركة الله


المقادير

200غ جوز هند مرحي (noix de coucou)
150غ سكر ناعم
قشور ليمونة
و بياض البيض الكمية على حساب واش تحتاجي
ملونات غذائية - اصفر ، و اخضر -

للتزيين
عجينة اللوز راهي تتباع واجدة
و اذناب كرز او اي اذناب ماشي شرط كرز او شيكولا

الطريقة

في اناء ضعي جوز الهند و قشور الليمون و السكر الناعم ، اضيفي الملون الغذائي الاصفر المحلل في شوية ماء زهر
و خلطي جميع المكونات جيدا اضيفي بياض البيض حتى تتحصلي على عجينة متماسكة .
لوني شوية من عجينة اللوز بالملون الاخضر .
شكلي كريات و مرريها على طاولة العمل حتى تتحصلي على شكل ليمونة
حللي عجينة اللوز الخضراء و قطعي وريقات بالمول و لصقيها على حبات الليمون ببياض البيض
زينيها باذناب الكرز او الشيكولا


ان شاء الله نكون بسطت الشرح و تقدرو طبقو هاد الوصفة سلام