السلام عليكم أخي
بما أنك درت بطاطا الطيب في الماء
ادا حبيتها شغل سلطة
كي طيب البطاطا خليها تبرد شوية وقشرها و قطعها مكعبات و ضيف ليها طماطم مقطعة كذلك و ضيف ليها خل و ملح و زيت و بالصحة عليك
و ادا حبيتها أكلة سخونة هاديك البطاطا كي تبرد مليح قطعها دوائر شوية كبار ضيف ليها الملح و حمرها في الزيت ماشي تقليها يعني حط المقلة فوق النار و ضيف ليها شوية زيت غي يسخن شوية اضف دوائر البطاطا و حمرها وقلبها غي بالعقل باش ما تتفتت و منين عندك الهريسة تجيك بنينة و بالصحة عليك
نتمنى نكون أفدتك و لو قليلا