السلام عليكم ...
حبيبتي ميساء مازال كاين الوقت ومازال كاين الأمل متعقديهاش بزاف .. شوفي أنا فلسفة راني عارفة غي المنهجية برك !! راني عاقلة غي على أنا أفكر إذن أنا موجود هه والله متضغطيش على روحك خلي الأمور عادية وشكون عرف نتي اللي غادي تجيبي معدل مليح وتفرحي عائلتلك وناسك و حبابك . بمعدلمكنتيش قاع تقارعي فيه !!!..بالاك اللي حفظتيهم هوما اللي غادي يطيحو انا توجور نخمم هاكا .. أنا راني دايرة التواريخ في fond d’écran تاع PC كل يوم نشوفهم وزيد مارانيش حافظتهم قاع هادي هي طبيعتنا منقدوش نحفظوا كلش في خطرة هاد ليامات حاولي تبكري وحفظي صبا ح بكري شوفي أنا شا ندير ..
نرقد مور العشاء 10:30 ونود على 04 نشرب قهوة على راحتي نتفرج وحد 10 دقائق الى 15 ساعة كي تجي 04 ونصف نحل دفاتر تاوعي ونبدا نحفظ و الله ملي وليت نود صباح كلش سهال عليا و مضيعيش وقتك هاد اليامات شوية المنتدى راه يدينا والوقت معلش كي تستحقي حاجة شوفيها بصح عاودي ولي كي تكرهي مالحفاظة حلي تمارين رياضيات .. وماتقوليش راني نحفظ لصحاباتك ولا لأي كان قالك أقضوا حوائجكم في السر والكتمان .. وادعي ربي بزاف ان شاء الله تسهال علينا كوني متفائلة ..
وأنا مارنيش مع هادوك اللي يقولو لازم يومين ولا نهار تريح فيها قبل الباك ... انت عندك مراجعة و غدوة الباك و بغيتي غدوة ماتحفظيش ؟؟ أنا هادا هو الرأي تاعي حتى لىخر دقيقة نراجع وشوفي انت الحاجة اللي تساعدك و نظمي وقتك .. حفظي كيما قتلك في الموضوع تاع لبارح بالترتيب خاصة الشخصيات اللي كتبتهملك ساهلين ركزي علىالاهم ومنظنش تعبنا حتى لاخر دقيقة وماتكونش فيها نتيجة كيما راني باغيينها والله ماتصرا ... لايضيع الله اجر من احسن عملا ... تفكري العام كامل انا والله ماكنت نحفظ ماوالو في الثلاثي الاول والثاني وجبت معدل 12.86 .... المهم كثرت عليك كيما قتلك مايكون غير الخير ان شاء الله ... والله انت عزيزة عليا بزاف ميساء سبحان الله ..نتمنالك النجاح من كل قلبي ... بااااااااي