بسم الله واخيرا تعلمت نصغر الصور والفضل للعزيزة عازفة الناي الله يكمللها ويسهللها امورها يارب اللهم امين المهم 2 كيلات سميد رطب + 1 كيلة فرينة 1 مغرف سكر وملح 2 مغارف خميرة نلم العجين ونديرو في ساشي مبلل على طريقة الوهرانية والمراحل باينة ونغطيها مليح ونخليها تطلع نض ساعة المغرف المستعملة تاع القهوة في الصيف ندير غير وحدة لان السخانة هنا مريحة في الساشي ونزيد ندير عليها بسينة باش ماتبردش هههههههههه بعدما تطلع العجينة ديريها في البيترا وابدا تعجني بالسرعة البطيئة لازم وبلا ماتزيدي الماء حوالي 5 د ومنبعد حبسيه شوي وابداي في السرعة 1 وابداي غير بالشوي تزيدي الماء واعجني مليح ودايما 5 الى 6 د ومسي العجين ادا محتاج ماء زيدي والمهم عجين البيترا مايديش الماء ماتكثريش وبعد ماتشوفي عجينك ولالك رطب واملس انا نحب نزيدلو مغرف كبيرة تاع زيت الزيتون ونلم بيها عجيني حبسي العجين وغطيه بساشي كيما في الصورة وخليه يطلع للمرة الثانية شوفو العجين في المرة الاولى بعد ماتعجن مليح ودرتلو شوي زيت الزيتون املس وهنا مغطي بساشي وفي البيترا ونزيد نغطي البيترا نخاف على مطلوعي من النسمة ههههههه بعد مايطلع نفرش لكل قرصة طرشونة هك تسهال علي كينرفدها وهدا حل لكل اخت تقول نخاف نرفد القرصة حليها في طرشونة منفردة وذري الفرينة شوي وارفدي بالطرشونة وارمي على الطاجين حلي القرصة انا نحلها رقيقة بزاف باش ماتجينيش خشينة مايحبوهاش وغطيها بغطاء خفيف وخليها تزيد تطلع للمرة الاخيرة بعد مايطلع نحطو الطاجين باينة ماشي واعرة هدي ونرمو بالقرصة ونحطو سنيوة فوق الطاجين وهدي طريقة الوهرانية راح يتنفخ مليح ونحيه وقلبي القرصة واخيرا تتحصلي على اخف مطلوع هنا نحي السنيوة وقلبي ولضي عليها بطرشونة بالشوي طبعا شوفو فرغان دعوة خير تكفيني