المهم انا حكيت معاه قبيل قال لي كاين كيما هو تارمينال و جامعيين مي دايرينهم جنود على خاطر ما داروش الفحص الطبي
التدريب قالولهم من غدوة يبدا لي جا كامل كومبا و بولازيرو
ويكت تقفل اصبر يعاود هذاك لاجودان يرفد علي التليفون على خاطر ما يخدمش في الديفيزيون لي فيها خويا
المهم وش فهمت كل ما بكرت كل ما كانت المعاملة احسن
انا خويا قالي شادهم سارجون شاف قبايلي مهبول جراهم ساعة و قال منعرف الا دكاين تدريب و لا ما كاش
بالصح وش اكد لي خويا الناس لي يسكنو في الغرب و جاو روطار كامل عرشولهم
المهم الاكل مليح كيما ليوم عشاوهم مقرون بالمرقة و شلاضة الفوايي مفتوح الشنابر روعة الدوش كاين الهاتف الا كان حطبة مسموح حكي بيه في اي وقت العجوز حكات معاه فايت ساعة الضو يطفوه على 11 ينوضوهم على ال 6
يعني لاباس الحالة الثكنة في وسط المدينة كي تعودو داخلين ادخلو من الباب لي مقابل الكوميسارية جماعة الاقمصة و البنكور البسو سروال كاين اجودان شاف شوية عقليتو عيانة قاطو ماكش
المهم كاشما يكون جديد راني نخبركم ان شاء الله