[اسمهان79]

السلام عليكم ورحمة الله وبركاته
طبق سهل بسيط والاهم ما فيهش اشياء كثيرة





نحتاج حبات بطاطا نقطعهم في الوسط بالطول
ثم نفرغهم من اللب نتاعهم نحي شوية من القاعدة نتاعهم باه كي نحطوهم في البلا ما يميلوش
نذرذر عليهم الملح وفلفل اسود ثم نقليهم في الزيت



في هاذ الوقت نحط حبات قرنون منقين نحطهم يغليو في الماء والملح
من بعد نهرسهم بالفرشيطة ونخلطهم مع شوية لحم مرحي





اكيد يكون متبل بالملح وفلفل اسود والمعدنوس ولفاح وصفار بيضة وشوية شابلير وم ص موطارد زنجبيل



نشكل كريات صغار نحط في وسطهم طرف صغير كومنبار


ثم نحطهم بهاذ الشكل في ليباركات نتاع البطاطا نحط ثلاث حبات جنب بعض نفرغ شوية صوص طماطم في اسفل البلا ونرصهم بجنب بعض
وممكن نعمل حبات جريوات بنفس الطريقة
نغطي بالالمنيوم ثم الى الفور



راهم ما يطولوش باف في الطياب لانو البطاطا مقلية واللحم المرحي طيابك مفيش اسهل منو
كي نشوفهم طابو نحيهم ورابي عليهم جبن كومنبار او شيدر



ورجعيهم للفور غير شوية قيس ما يذوب الفرماج
شكل بسيط باهي وبنين



في امان الله