اقتباس:
المشاركة الأصلية كتبت بواسطة هارون الزقم
الى حكيم مدية
السلام عليكم انا هارون من واد سوف من مواليد 1990 عمري 25 سنة عندي ليسانس مالية متخرج يعني جتني لوردابال لولا في مارس 2014 وقبل كنت ندير في سورسي متزوج وعندي ولد وتو جتني الثانية في المدرسة العليا للاشارة بالقليعة وحاب نطلع نتهنى بصح خايف تزوجت عندي ظروف خاصة وجاني وليد مريض عندي الملف تاع المرض تاعه وداير شهادة بللي منفصل عن العائلة يعني نسكن وحدي وعندي شهادات طبية 2 من طبيب عام وواحد من طبيب خاص ملف ضعف النظر دايرلي الطبيب الخاص والعام لولا 2/10 ولخرى 3/10 وعطاني نواظر نمشي بيها وعندي شهادة من طبيب خاص بللي راني نمشي ريجيم عندي قولون الاعصاب وناكل فالدواء تاع المعدة وراني نخدم عند لبريفي ومليت وحاب نتهنى قولولي بجاه ربي وش نعمل راني تعبت ربي يجازيكم ان شاء الله.
|
و الله يا اخي اللي فهمتو من كلامك انك مغبون كان الله في عونك
لست أدري لم لم تقدم ملف كفالة منذ زمن لانو ضروفك الخاصة و حالتك تخولانك من الحصول على اعفاء بكفالة عائلية
لكن لا يهم مازال الأمل قائما ، في بعض الثكنات تمنح الأولوية في الفائض للكبار في السن +30 ثم بعدهم المتزوجين
يعني انت ادي معاك كامل الملفات الطبية و الوثائق اللازمة حتى تدعم حظوظك في الخروج من الثكنة
بخصوص ثكنة القليعة فيها طبيب أحسن من طبيب بجاية
يعني راح يعطيك فرصة تتكلم و تخبره بكامل واش عندك حاول تنظم الملفات الطبية نتاعك كل واحد على حدة في ملف وحده و جيب معاك الشهادات الطبية القديمة و وصفات الدواء دعم ملفك بكل ما تستطيع ... اختر كلماتك بعناية مع الطبيب فقد يحاول نرفزتك فلا تتنرفز ااو ترفع صوتك ممكن يحرقك نورمال
اتحدث باحترام و اغتنم فرصة الوقت اللي يمنحهولك الطبيب في التحدث في صلب الموضوع و ايصال فكرتك
و نقطة مهمة ... لا تنسى ان تلعب الحيلة يعني اذا كنت ما تشوفش مليح دير لي جاست تع واحد ما يشوفش ... اذا كنت مريض من رجلك امشي عوج ... حسب مرضك طبعا أك فاهم ،
اذا كان قدمت ملفك الطبي و لم يلق القبول لدى الطبيب ما تنساش عندك فرصة في الروصونبلومو تلعبها دخت ... اتقيأ و ...الخ و كي يسقسيوك دافع على نفسك ما تحشمش قوللهم انا مريض و هاو ملفي الطبي
على حساب علمي الاوضاع في القليعة جيدة فلا تقلق انت دير لي عليك و خليها على ربي
إذا كانت مكتوبة تجوزهم .0. والله تدي 1000 دوسي يرفضوهملك و تفوتها
و اذا كتبلك ربي تخرج و الله غير تخرج باذن الله