2015-05-01, 19:50
|
رقم المشاركة : 38
|
 معلومات
العضو |
|
|
|
إحصائية
العضو |
|
|
|
علماء وا دباء ومفكرين وفنانين وشخصيات هامة من منطقة الشاوية :
***الشعراء***
الشعر الشعبي الاوراسي خلال الثورة الجزائرية بسم الله الرحمان الرحيم
الاوراس البطلة وميدانها الرحب الفسيح الذي يمثله ادب الشعب لا ادب الخواص , والذي يتسم بالبراءة والعفوية والصدق والاخلاص
زوج اذراري
زوج ذراري طلعوا الجبال هزوا سبته زادوا الرفال
ضربوا ضربة جابو ليشار يا حمودي يحيا لعـــــللام
زوج اذراري
زوج اذراري عقبوا منا هزيت عينية شافو ليـــــه
والله مــــــــــــا انرنـدي واذا مت , مت في جهادية
سي الصالح زيداني
سي الصالح زيداني مسول سياسي
خبرك راه جاني جيش التحرير الوطني
***************
سي الصالح
ســــــــتي الصالح سيد السادات جاني خبرك قالوا مات
خــــــــــــــــــــــــبرنا كل الولايات قالو ما زال في الحياة
***************
بوذراع
بوذراع خلي خمسة والطوريق تحت الشجرة
سي احميد رايس اللجنة سي احميد رايس اللجنة
***************
عبدالله العموري
غبدالله العموري والجيش معاك
لعشاري بين اكتافك واقراد اذهب وتاك
***************
ديغول
حبة اتشينه جبات من بوزينه
يا ديغول روح اعلينا الجزائر راه لينا
***************
بابا
جا بابا حطيت اعيوني نبكي
قال لي اسكتي بنتي
انجيبوا الاستقلال وانولي
***************
ولد امي
الكونفة اللي جات والعسكر في الجيبات
ولد امي تحت الشجرات ما ادريتو حي والامات
***************
الجنود على رجليهم
الجنود على رجليهم والغابة غطات عليهم
اذا ماتوا الجنة ليهم واذا ربحو مبروك عليهم
***************
الجنود على رجليهم
الجنود على رجليهم والثلج اصب عليهم
على جال الحرب شلفطو رجليهم
***************
تشجع الشبان
اتشجعوا الشبان هزو لعـــــــــــــــلام
قصدو الــــــــرفال وربحنا الاستقلال
***************
سي الذوادي
سي الذوادي سركل فرنسا عادت تنادي
قال لها اخرجي من ابلادي
خلي الكرسي لاولادي
***************
لزهر اشريط
اخواني لزهر اشريط والبارود منه يعيط ويقتل اولاد الكفار
***************
يامسيو يا ديغول
يــامسيو يــاديغول دبر واش اتقول
جـــــــك الاسلام بالكور المدغول
الكور: القنابل
***************
ما تبكيش يا لميمة
ما تبكيش يا لميمة ما تبكيش على ابنك شهيد
تبكي مرت القومـي الي باع دينو للرومـــــــي
***************
اميمه ابكات
طلت اميمه وابكات قالت هذا ولدي اللي مات
الحرية راه جــــات وافرنسا رحلـــــــت ولات
***************
مصطفى بن بولعيد
مصطفى بن بولعـــــــيد الشجاعة والقلب لحديد
الكانو والكرتوش جديد حكموك الخباثه باليد
***************
الشيخ العيفه
الضيف الي جانــا يكركر في برنــــــــــــــــوس
هو شيخ الغيفـــه وانا معرفتوش
***************
الشبان الاسم الثاني للجيش
سلونا علــــــــــى الشـــــــــــــبان قوولولهم هذاك الي كان
وقولهم:تنده بالشبان الي يسكنو جـــــــــــــــــبال الاوراس
وكذلك:شباني كهجمـــــــــــــــوا واعلى لبراج خشــــــوا
كتفـــــــــــــــــوا القبطـــــــــــــان وجابـــــــــــــــــوا قشوا
إبن بولعيد....مهندس الثورةالجزائرية وأحد مخرجي بيان أول نوفمبر 1954
قرية كاف العروس :المجاهدة...بلدية غسيرة.....وأرض معركة( إفري أللبلح) الشهيرة
قرية بانيان ...إحدى معاقل الثورة الجزائريةالعظيمة
محمد العربي بن مهيدي...أسطورة الثورة الجزائرية وقاهر جنرالات فرنسا
محرك طائرة فرنسية أسقطها أصحاب هذه القبور فناموا بعدماأستراحوا من ضجيجها وأطمأنوا على سلامة أبناءهم من خطرها من بعدهم
تعبيرفرنسي لانقاش فيه عن حب فرنسا للشعب الجزائري والتونسي
جريمة قتل على الطريقة الفرنسية مع سبق الإصرار والترصد
الوادىالأبيض في الأوراس..أهم المعابر لتنقل المجاهدين بين الجبال والمداشر حيث مساكن أهاليهم
سم الله الرحمن الرحيم ولا تحسبنا الذين قتلوا في سبيل الله امواتا بل احياء عند ربهم يرزقون فرحين بما اتاهم الله من فضله ويستبشرون بالذين لم يلحقوا بهم الا خوف عليهم ولا هم يحزنون) صدق الله العظيم
*********************************************
يتبع
والله أعلم
|
|
|
|