لبنات جبتلكم وصفه ليسيقار روععععععععععععه الله غالب مانعرفش نحط الصور ديري زوج حبات بيض ضيفيلهم كاس نتع لاتاي سكر وخلطي بيدك طبعا ثم زيدي كاس نتع لاتاي زيت وخلطي دائما بيدك ومبعد جيبي شويه فرينه خلطي معاها نص كيس خمارة القاطو وضيفيها للخليط السابق وخلطي وبداي ضيفي الفرينه بشويه حتى تتحصلي على عجينه طريه ومن جهة اخرى حضري كاصرونه لازم ماشي مقلاة ديري فيها زيت وخليها تسخن مليح ثم نقصي عليها النار وابداي قلي شكلي اصابع ماهم خشان ماهم رقاق وقلي بعدما تقليهم رمديهم في السكر الناعم وقدميهم والله يجو خفاف ومايرفدوش الزيت يبانو طايبين فالفور والله كل لي كلاوهم عندي داو الوصفه جربوهم وردولي لخبر