[mahopa18]

السلام عليكم حلوين
هذي وصفة لسوفلي بالعجينة السحرية
وصفة ساهلة ماهلة.. والأهم من ذلك بنيييينة



مقادير العجينة
2 كيسان فرينة
2 كيسان ماء دافئ
2 ملاعق كبار سكر(ملاعق مشي عامرين بزاف او 1 ونصف ملعة كبيرة)
2 ملاعق كبار خميرة فورية
1/2 باكي خميرة كيميائية
1/2 كأس زيت
ملح

خلطي كل المكونات مليح.. وخليها ترتاح لمدة 10 دقائق
بعد مرور ال10 دقائق
ضيفي الفرينة حتى تتحصلي على عجينة طرية وماتلصقش في اليدين

مقادير الحشو
3 أو 4 حبات طماطم
ثوم.. على حساب ما تحبو
زعيترة
زعتر
لحم مفروم(من 300 الى 400 غرام)
جبن مبشور
زيتون أخضر مقطع الى حلقات

للتزيين
بيض
جلجلان

قلي الطماطم مع الثوم وشوية زيت (2ملاعق كبار).. ضيفي الملح وفلفل أسود
ضيفي الزعيترة والزعتر
وخليها تطيب
من بعد دقائق ضيفي ملعة كبيرة طماطم مركزة
اذا جاتك حامضفة ضيفي 1/2 ملعقة صغيرة سكر
من بعد ضيفي اللحم المفروم
منين تطيب الحشو نتاعك خليها تبرد

لتحضير السوفلي
خدمي كريات صغيرة بالعجينة
حليها بالحلال
وضعي الحشو نتاعك على نصف الدائرة نتاع العجينة
وضيفي زيتون مقطع وجبن مبشور
غلقي الدائرة نتاعك وبواسطة فرشاة غلقي مليح الأطراف
ديري صفار البيض من الفوق باش تحمار
وضيفي الجلجلان
دخليها الفرن على درجة حرارة 200
حتى تتحصلي على لون جميل



وشهية طيبة

ملاحظة
مين يطيب السوفلي لفيه بمنديل باش مايقساحش برك