[شمۋځ أنٹـے »]

ثانويتي بها كل مواصفات ثانوية الاحلام
اولا الموقع { واش نحكي واش نخلي } تمشي 2000 كلم باه توصلي
الطريق حدّث ولا حرج تشري صباط تلبسيه نهار تروّحي بيه للدّآر تقول كنتي تحاربي في الفيتنام
المتطفلين { هاداك لغاشي لي مايقراش و تصيبيه قدام باب الليسي } العدد تاعهم اكثر من التلاميذ

دوك نجو لداخل { المفيد } واش نلقاو "مراقبات " يجو يشايخو و يعلّقو على البنات و يمنشرو يبينو في رواحهم { كي شغل رانا خير منكم }
المراقبين كاين زوج ولا ثلاثة ربي يسمحلهم مانحكيش عليهم ماشاء الله
من ناحية الهيكل والتجهيز تاني مانقولش خاصتنا حاجة

اممممم الاساتذة مانحكيش عليهم ربي يحفظهم كامل يتعبو معانا باستثناء زوج اساتذة { يقرّو كيما يحبّو } واحد فيهم استاذ تاع مادة اساسية
استاذ مادة العلوم اسسستاذ رائع بكل معنى الكلمة ديما يوصينا نكونو ايجابيين ونحاولو نخليو بصمة مليحة

المهم هذي لمحة على الثانوية تاعنا ماتقلقوش هادا هو التعليم في الجزائر
ان شاء الله حنا نحسّنو الحالة منّا وجآي { خخخخ راني متفائلة فوق اللازم }