السلام عليكم ورحمة الله و بركاته
نظرا لكثرة المواد الكيميائية في المنتوجات المتوفرة و خاصة الجاهزة منها وليت نحب نصنع الحاجة اللي نقدر عليها في البيت و الله الامراض كثرث و تعددت و الله المستعان المهم هذي المرة جبتلكم خبز التوست وهي وصفة سهلة و اقتصادية جداجدا و بالويادة مضمونة و ناجحة باذن الله
المقادير :
4 كيسان فرينة (انا كيلت بالكاس تع الماء عادي )
ملعقة كبيرة زيت او زبدة ذايبببة
ملح +ملعقة كبيرة سكر +ملعقة كبيرة خميرة +كيس خميرة الحلويات لانها تلعبب دور المحسن
و نجمع الكل ب1كاس و نصف ماء دافئ و نعجن شوية و نخليها تخمر مليح
وهذا قوامها قبل ما تخمر
و هذي بعد ما تخمر نحلوها مليح لكن العرض ديالها لازم يكون على حساب الطول تع المول ديالك تع الكيك و تروليها و تسgمي الاطراف كيما الخبزة العادية
و تخليها تخمر مجددا حتي يتضااااعف حجمها امبعد ادهنيها بالحليب و ديري عليها شوية جلدلان او اي شيئ تحبيه
و هنا بعد ما طاب
وقطعتو و الله خفييييييف راااااائع يبان مشري
وهنا درت الحشوة طماطم +تونة + بيض مسلوق+زيتون +لاموطارد+ملح و شوية زيت زيتون و طليتو بالفرماج و درت الحشو و لصقت واحدة فوق و احدة و بريسيتو
و هذا شكلو النهائي امممممممممم بنييييييين
لا تنسوني من صالح الدعاء