السلام عليكم ورحمة الله وبركاته اليوم جبتلكم غريبية كلمة روعة قليلة عليها شفت بزاف أخوات يسألو على الغريبية وكين لي متنجاحلهاش على هديك حبيت ندير موضوع عليها انا تاني كان عندي هذا المشكل تاع الغريبية حتى حطت الأخت الصوامعية طريقتها في االغريبية جزاها الله خير من هداك النهار وانا معتمدتها سيتها بكل الأشكال وجات روعة حتى لي ميحبش لغريبية ياكلها المقادير 250غ مارغرين طرية كأس زيت شوية فاني 4ملاعق سكر ناعم معمرة مليح 5 ملاعق مايزينة معمرة مليح فرينة التحضير نخبط بيدي المرغرين مع الزيت مليح من بعد نزيد الفاني والسكر ونخلط مليح من بعد نزيد الميزينة ونخلط ونجمع بالفرينة حتى نتحاصل على عجينة طرية نشكلها كيما نحب وندخلها أطيب من التحت من بعد كي أطيب نحمرها شوية من فوق راهي اطيب بلخف 15د وكل واحدة والفور اتاعها انا نفرش الألمنيوم في السنيوة يوزع الحرارة مليح والحبة أطيب كامل خليها تبرد ونحيها من السنيوة اليوم دارتها على شكل هلال