[ام ماسين]

المشاركة الأصلية كتبت بواسطة إلهام07

كلشي مبروك


هذو ملاح وهايلين مع القازوز هو غالبا مع القازوز يجيو القاطوات اللي فيهم كريمات او يشبهو للباتيسري هذو ملاح مع القازوز :

* كي عادت فاتحة والعدد قليل تقدري ديري سويسرول او اي نوع نتاع تارتولات كيما نتاع الليمون يجيو ملاح او اختاري واحد من هذو :

* قاطو اسبانيول نتاع فلة بنين يهبل ويقطع وروعة في الطعم جربتو هايل هايل وطبعا الوصفة وصاحبتها غنية عن التعريف
https://www.djelfa.info/vb/showthread.php?t=1123985

* قاطو russe نتاع ام كوثر او الاخت zamilio ثاني ماعندي مانقول فيه وفي بنتو مممممممم هايل هايل حاولي تزينيه من فوق بشكلاطة او حاجة اخرى باش يجيك بريزونتابل ويحمر الوجه
https://www.djelfa.info/vb/showthread.php?t=854663

* كاين قاطو هبلو عليه الناس ثاني مليح وجربوه بزاف الاخوات وشكرو فيه يجي ثاني
https://www.djelfa.info/vb/showthread.php?t=1254011

* وهذي ثاني وصفة هزيتها من المنتدى رايحة نجربها ثاني هايلة :

قاطو يقدم مع المشروبات في المناسبات

ام سراج وملاك

اختي جومانة عندي هاذي الوصفة نكتبهالك وانشاء الله تفهميها والصورة للاسف معنديش كي نديرها كشما مرة نصورهالك واذا مفهمتيهاش قوليلي مالفة نديرها وتجي روعة اكل لي ذاقوها قالولي اعطيلي الوصفة انا عطيتك كمية صغيرة ونتي دوبلي المقادير
المقادير :
5 بيضات + كاس سكر احرش + كاس فيه نصف زيت و نصف زبدة ذائبة + 4 مغارف ماكلة عسل + 2 مغارف كبار خل + 2 مغارف كبار نيسكافي مذوب في شوي ماء + 4 مغارف كبار كاكاو + كاس ونصف فرينة + 2 باكيات خميرة نتاع القاطو
الكريمة : 250غ زبدة + 2 كيسان سكر ارطب + 2 صفار بيض + فاني وتطلعيهم بالبتار مليح
او ديري كيما ندير انا وتجي بنينة
نخدم كرام بتيسيار نصف لتر حليب نفيضو ومن جهة نخلط 2حبات بيض مع 4مغارف كبار سكر عادي حسب الذوق نتاعك اذا تحبيه حلو بزاف زيدي السكر وزوج مغارف كبار نشاء ومغرف فرينة ونظيفهم للحليب الفايض ونخلط مليح ونرجع فوق النار كي يخثار نزيد لفاني ونحطو يبرد
من جهة نطلع بالبتار 100غ كرام شونتي مع كاس حليب بارد ونحطو يبرد كي يبرد الخليط نتاع كرام بتيسيار نضيفو مع كرام شونتي ونكونو نحينا شوي كرام شونتي وحدها بجهة باش نزينو بيها القاطو نتاعنا من فوق
نرجعو لطريقة تحضير المقادير :
نخلطو البيض وباقي المقادير بالبتار ونصبوه في صينية نتاع فور قتلك صينية نتاع فور خطراه المقادير لي عطيتهالك تصلح في صينية نتاع فور وادهنيه بالزبدة وذري شوي فرينة اذا كانت تلصق ديري ورق لي يطيبو فوقو القاطو لي ميلصقش كي تطيب شدي كاس وشكلي بيه دوائر والباقي نتاع الجينواز فتيه بيدك
نرجعو لتزين
شدي دائرة لي شكلتيها بالكاس ديري فيها الكريمة لعجباتك وحضرتيها وحطي فوقها لفتات نتاع الجينواز لفتتيه بيدك ومن فوق شدي ديري كرام شونتي لخبيتيه بالبوش وحطي حبة كرز مصبر فوق لكرام شونتي وحطيها في ليكيسات متتصوريش واش مليحة مع القازوز في المناسبات

شوفي يكفيوك ؟ :d:d

شكرااااااااااااااااا اختي الهام صراحة وصفات رائعة بالنسبة لوصفة ام سراج وملاك درناها في الخطوبة روعة جربيها على ضمانتي على فكرة هيا اختي بالنسبة لقاطو الاخت زاميلو هاذيك الكمية قدش طيحلي اذا كنتي مجربة الوصفة من قبل باش ندير حسابي حنا مدايرين على 200 شخص قاطو فلة خفت منو خطراه مدرتوش من قبل