السلام عليكم الكبة السورية تجربتي الولى بعد تحضير البرغل في مطبخي المقادير لقشرة الكبة رطل كفتة بصلة كاس كبير برغل فلفل اسود كمون ملح للحشو رطل كفتة جوز فلفل اسود كمون ملح وزيت للقلي للتزيين الليمون الطريقة نقع البرغل لمدة 15 د وبعد دالك نصفيه مليح ونضيفه للكفتة + بصلة مفرومة + ملح فلفل كمون ونديرهم فالخلاط ونخليهم يتخلطو ملييييييييح حتى تصبح العجينة متجانسة وتساعدنا فالتشكيل الحشو في مقلة نوضع الكفتة ونزيد الجوز مفرفش + فلفل وملح وشوييييييييية كمون وادا متحبيش ريحتو تجيك قوية مدري\ش فالحشو وقلي مليح وحطيها تبرد وبداي تشكلي وبلا متنساي ديري شوية ماء قدامك باش كي تكوني تشكلي الكبة ديما تغطسي يديك فالماء ويساعدك باش تجيك ر تخدميها وترطبيها من لفوق وكي تكملي ديريه فالفرجدار يحكم روحو ومن بعد اقليه في زيت غزير حتى تتغطى حبة الكبةوالصور توضح اكثر ان شاء الله تنال اعجابكم وتنوروني بردودكم واي استفسار ران فالخدمة